[واد حبيب]

موقف حقيقي

كنت رايح اقدم اوراق الجيش عندنا في طنطا
المهم قدمت الورق وكشفت وبعد الكشف قالو اطلع الدور التالت علشان تشوف هتروح اي سلاح
طلعت الدور التالت قالو انزل الدور التاني شوف سلاح الصاعقه والمظلات علشان انت جسمك كويس
المهم نزلت الدور التاني لقيت احجام بسم الله ما شاء الله شباب تاكل الزلط وانا اقل جسم فيهم قولت
لو رحت اي سلاح من دولت اموت فيه قولت اعمل حركه رجوله وانط من الدور التاني وفعلا عملت كده
ومشيت من غير ما اعرف انا اروح اي سلاح
يوم التوزيع لقيت نفسي رايح سلاح جميل جداااااااااااااااا قولت الحمد لله
روحت الامن الحربي ودي سلاح زي الفل
رحت مركز تدريب وبعدها بشهر
قالو جهزو نفسكم علشان هتروحو تخدو دوره في الصاعقه وبعدها المظلات
قولت يا نهار مش معدي يعني انا اهرب منهم واجي هنا اروح فيهم
بس روح اخد الدوره في الصاعقه والمظلات كل يوم بقول انا اموت النهارده
بس كانت 3 شهور بس وبعد كده رجعنا تاني الامن الحربي
ولقيت كل محافظات مصر كل يوم كاني في محافظه
بس كانت اجمل ايام