[شريف القناوى]

يا بحـــــــــــــر
بحروف اسمك اكتب بحبك
وفى عنيكى اشوف الامان
كان ليا فى قلبك مكان
اسكن واكتب كل الاحلام
عن حب اتولد من غير معياد
وحلم ساكن فى عالم الخيال

اكتب اليوم بين السطور
حكاية حب بين النجوم
شافتها كل القلوب
وحكاتها كل العيون

اشهد يا بحر اليوم
انى رميت كل الهموم
وابتدى حبى يكون
بين البشر مكتوب

يا بحر سمعت كل احزانى
وهمسى وحتى ضحكى
جيتك يا بحر ومعايا حبيبة ايامى
نحكى لكن اسمعنا من البداية

اسمع حكاية كتبتها الايام
والقدر كان ليه الحكم والكلام
حبيتها من اول كلمة
من اول نظرة وضحكة

واشهد يا بحر اليوم
شفت بعنيها الاحلام
وفى كلامها كل المعانى
لحب فيه كل الحنان
حب ابتدى من سنين
يكبر ويكبر
ويكون كلمة وحكاية
لكل حبيب

واشهد يا بحر
انى كنت الغريق
فى وسط موجك العالى
مدت ايديها من بعيد
لمست ايدى وشدتنى
لشطها الهادى

واشهد يا بحر
انى حبيتها
وحبها القدر والمكتوب
اللى اتمنيته يكون