[SiLver Spectra]

اقتباس المشاركة الأصلية كتبت بواسطة توحد ارواح من فتره كبيره و مصر فعلا بتعانى من المشكله السكانيه اللى اساسها هو زيادة عدد السكان مع قلة الموارد يعنى كل سنه زياده مطرده مع قلة الاراضى لزراعيه نتيجة البناء عليها و ما يقال عن الارض الزراعيه يقال على باقى الخدمات اذا السؤال يطرح نفسه هل الحل ف تحديد النسل؟ هقول بالرغم من الوضع الحالى الذى ينذر بالخطر الا انى ضد تحديد النسل و لكن ممكن نقول تنظيم يعنى الطفل ياخد راحته ف الرضاعه و غيره و بعدين الاسره تفكر ف انجاب طفل اخر شكرا للطرح القيم تحيتى

التحديد مش لازم يفهم على انه قانون
لان كمان لازم النفس الانسانية تحترم مهما كان دا المولود الكام ..خلاص هو مولود جه ..ماينفعش مثلا افرض عليه غرامة ماليه !

لكن لما تنشر التوعية بشكل كويس ..التوعية بتتحول مع الوقت لنمط اجتماعي
يعني هتلاقي اللي بيخلف كتير مثلا بقى غريب في المجتمع و شاذ عنه

مصر محتاجه توعية في امور كثيرة و منها النسل
زيادة عدد السكان في دولة محدودة الموارد و على سبيل المثال (المياه) ..يعني محتاج مايه اكثر عشان الناس تشرب و تزرع و تصنع في حين انت المايه ثابته مش بتزيد بل انها هتقل ..لان كمان دول المنابع عندها طموحات و ازدياد في السكان و عايزين يستغلوا المايه

يبقى ماينفعش افضل سايب الموضوع بشكل عشوائي بدون خطط

شكرا ليكي نورتينا ..