منتديات بنات مصر - عرض مشاركة واحدة - حملة دبسنى شكراً للدكاترة فقط ( صيدلية الدكتورةLost Pearl للاستشارات الصيدلانية )

Sєяєєη●•ʚɞ · منذ /05-30-2013, 06:38 PM

اقتباس

المشاركة الأصلية كتبت بواسطة Lost Pearl


	طيب يا ستي بصي ،، اولا بانادول و كيتوفان مش بتوع صداع نصفي اساسا ،، بانادول صداع عادي و كيتوفان مسكن هقولك علي دوا صدااع نصفي ،، هو فيه Sumatriptan،، و اسمه Sumigran بس لازم تاخديه اوووول ما تحسي ان الصداع النصفي ده بدأ ،، يعني اول ما تحسي بصداع جري تاخديه متطنشيش و عامة كتر اي دوا مش كويس ،، و طالما انتي عارفة سبب التعب لازم تعالجيه يا سيرين الصداع النصفي ده مش زي الصداع العادي حاجة عبيطة ،، كدة غلط بالنسبة للصداع العادي شوفي فـ ردي علي امجد قلتله ع النوفالجين هو قوي و سريع ،، بس باردو متكتريش منه و خلي بالك من نفسك يا بنتي اغلب الادوية مش عشان تتاخد طول الوقت ،، هي لفترة و لازم تتوقف عشان متتعبيش نورتي

خلاص هجرب Sumigran دة
صافى لما شافت كلامى كتر خيرها لاقتها اتصلت بيا واديتنى اسماء كمان
دة بردوا كان قايلى عليه ابن خالتى وقالى بس لازم تاخدية ف اول نوبة الصداع لانه فعلا اول اما بيجى خلاص بيكون صعب يروح
الصداع النصفى دة غبى لانة بيقلب ع عنيا كمان بتكون مصدعة اوى وانا عارفة سببه عشان عندى حساسية وجيوب انفية فمع تغير الجو لازم اصدع
انا بقيت متخصصة صداع وبعرف اميزة
بميز الصداع اللى بيجى من نقص نوم او تعب
والصداع اللى بيجى من نقص اكل
والصداع النصفى
والصداع العصبى لما بكون متضايقة ودة بقا ولا اى اسبرينة بتخلية يروح
والله ساعات بكون مثلا مش اكلت طول النهار + تعب وشغل + نقص نوم + جيوب انفيه بيجيلى صداع بقا مش بيروح غير بحقنة
فباخد اسبرين صداع كتير فعشان كدة سالتلك عن المسكن اللى اقل ضررا
تسلمى يادكتورتنا الحلوة ع المعلومة

رغيت كتير
بس سؤال
ليه اسبرين الصداع النصفى مش بيحوق طالما نوبة الصداع زادت وفى الحالة دى ايه اللى يضيع الصداع النصفى ؟
لانى فى الغالب بيكون خلاص جة وصدعت