[phalsteen]

طبعا كلكم عارفين مين هو ابو رجل مسلوخة




العفريت الوحش دا
اللي عمره ما ظهر
انت بس بتخاف منه ومن سيرته

لما كنت مبتسمعش الكلام
او معملتش الواجب
او بتلعب في الشارع
او بتضرب اخواتك
او مشربتش البن
او عامل شقاوة ومش راضي تنام

تلاقي ماما بتقول اهو ابو رجل مسلوخة جه اهو
تجري تستخبي ومتبنش غير الصبح بئا
اصل ابو رجل مسلوخة مبيجيش الا بليل


انا النهاردة دخلت الخزعبلات
لاقيت جواب موضوع منتظر الموافقه
مكتوب عليه
انا ابو رجل مسلوخة

فجريت ادور ع سارة تفتح معايا التوبيك ليكون مستنيني جوه ولا حاجة

لاقيته كاتبلي بئا

بصي يا بت ياللي اسمك سما انتي
انا بحب القسم دا اوي
وانا مش عاوزاك تمسكي اشرافه
علشان انتي دمك تقيل وغلسه ومش بتسمعي الكلام


فسيبي القسم احسن ليكي
وقولي للادارة خلوا ابو رجل مسلوخة يمسكه

والا انتي عارفه انا ايه ؟




فسألته اذا كان عضو معانا ولا لاء

قالي انه كان عضو معانا بس الاداره حظرته

وعفريته لبس في الخزعبلات

وانا من هنا بناشد الادارة تبخر القسم

وتجبلنا عفركوش يخرج عفريت ابو رجل مسلوخة ^_^