هل أنت مع أو ضد زواج السوريات بالمصريين ؟
من حق كل واحد يتزوج اللى يتزوجها سواء كانت سورية او مصرية او من بلد اخرى
بس شخصيا مش حابب فكرة الزواج من السوريات لأن الهدف مش الزواج الطبيعى اللى بيحلم بيه كل شاب بأنه يكون اسرة سعيدة ويبني مستقبل جديد ولكن لاشباع رغباتهم فقط وفترة وتنتهى بالطلاق
هل زواج السترة حلال أم حرام ؟
اكيد زواج السترة حلال بس هل هو متزوجها عشان يسترها ؟
زى ماقلت كتير جدا من اللى بيتجوز السوريات بيستغل جمالهم وحالتهم اللى هما فيها لغرض شخصي
مش عشان يسترها ولاحاجة وكل واحد ونيتة بس الاكيد ان النية هدف شخصي مش السترة للأسف
ما الذى يجب فعله من قبل الدولة لمواجهه مافيا أو سماسرة الاتجار باللاجئات السوريات ؟
قانون يمنع زواج المصري من السوريات مؤقتا لحد مايتم حل مشكلتهم ومنعا لاستغلالهم
مع فتح منطقة جديدة لهم ومقابل الحياة الكريمة دى انهم يشتغلوا وينتجوا لصالح البلد بأى شىء هما كويسين فيه
بالتالى انت اديتهم حياة كريمة وهما ادوك عمالة تفيدك والافادة للطرفين
هل هذة الزيجات تؤثر فعلا على ظاهرة العنوسة فى مصر أم لا ؟
اكيد مبتأثرش .. قسمة ونصيب !