يعنى ايه غربه وطن
يعنى كل يوم جوا خوفك تتدفن
يعنى ايه غربه وطن
يعنى تكون بين اهلك وناسك ومش حاسس بالامان
يعنى لحظه تنسى فيها معنى كلمه انسان
يعنى ايه غربه وطن
يعنى تعيش سجين وكل يوم حاجه فيك تتسجن
يعنى ايه غربه وطن
يعنى كل يوم يضيع جواك معنى الانتماء
وتحس ان حبك لبلدك مجرد غباء
يعنى ايه غربه وطن
يعنى تطوف تدور عن ارض تانى تضمك
وتضحك على غبائك لما كنت فاكر ان بلدك هى امك
يعنى ايه غربه وطن
يعنى تلف تلف وترجعلها مش طايقها ومش قادر تبعد عنها
|