[بنوتة اية]

الديون اللى على مصر دى
من ايام النظام السابق
ومن زمان اوى
يعنى اول ما مرسي هيمسك الحكم
هيخلى على مصر كل الديون
طب منين بتقولو انو معملش حاجة للبلد
ومنين بتقولوا انو خلا على مصر ديون اد كده
والله الناس مش لاقية حاجة تعملها
وبالذات المعارضة
والبلطجية
والفلول اللى لسا موجودين
اللى بيستغلو الناس وطيبة الشعب المصرى
اللى بيصدق اى حاجة تتقالو
بس انتو بتبصوا للاخوان على انهوم ناس ارهابية مش يهمها الا مصلحتها
ومش عايزين تغيرو الصورة دى في ذهنكم
ولو عملو ايه والله هيفضلو كده فـ نظركم
من يوم ما الراجل مسك والناس نازلة مظاهرات
طب بالله عليكم دى ناس عايزة مصلحة البلد
ولا عيزاها تبقي خراب في خراب
وكل اللى بيعمل كده حمدين صباحى وعمرو موسي والحاشية المعروفة
كل واحد فيهم طمعان في السلطة بالاضافة الى انهم بيكرهو الاخوان
وبيكرهوا الناس فيهم عشان عايزين يكملو اللى بدأو مبارك
ومش عايزين يسيبوها الا وهيا مجرد تراب
وطول ما احنا مش ايد واحدة عمرنا ما هنشوف خير
واللى بيقولو ان الاخوان ارهابيين
كان ليك بيهم سابق معرفة
ولا جربت توعد معاهم او تتناقش معاهم وتشوفهم بيفكرو ازاى
بدل ما انتو بتقولوا عليهم كذا وكذا لمجرد انكم سمعتوا ده في التلفزيون
ولا سمعتوا من مش عارف مين
وبتصدقوا من غير تفكير والله بوجه كلامى للكل
خصوصا الاخوان وجميع المؤيدين للدكتور مرسي
والله لو مش بقينا ايد واحدة ما هنعرف نعمل حاجة
ولا نعمل اى حاجة للبلد
احنا اللى بنسمح للفتن انها تسيطر علينا
وبنصدق علطول
ليه مش نرمى كل ده ورا ضهرنا
ونبقي كلنا ايد واحدة ومش نسمح لحد انه نسيطر على عقولنا
وهقولكم حاجة
كل اللى بيحصل في البلاد العربية ده
انذار من ربنا عارفين ليه
عشان احنا سبنا القدس لحد دلوقتى واعدين نتفرج على اسرائيل وهيا كل يوم بتاخد حتة من فلسطين
احنا سبنا حق القدس وطالما القدس محتلة مش هنشوف خير
دوقوا بقي اللى الفسطينيين بيدوقوه ويمكن ده حاجة بسيطة من اللى هما شايفينه
لو تخلينا بس عن الافكار السلبية اللى بتسيطر علينا
وحاولنا نكون ايد واحدة حتى لو احنا مش حابين بعض
بس نجرب عشان بلدنا والله مش عشان حاجة تانية
ليه مش نتضامن مع الرئيس ونحط ايدنا فـ ايده
هوا كافر ولعياذُ بالله ده مصرى اصيل ودمه مصرى
عاش على نفس التراب اللى انتو عيشتو عليه
واتربي عليه بردو ولو افكركو انه فلاح بردو
وعمره ما هيخون تراب الارض دى اللى هوا اتربي عليه وبقي دكتور بفضلها
مستحيل انه يعمل اى حاجة تضرها وعمره ما هيفكر انه يعمل فيها حاجة تخليها ورا اكتر ما هيا
والله الرئيس بيحاول بكل مجهوداته انه يعمل حاجة كويسة للبلد
بس طول ما احنا مش واقفين معاه ومش جميه مش هيعرف يعمل حاجة
دى بلدنا احنا كمان مش بلده لواحده ولا بلد الاخوان لوحدهم
دى بلدنا كلنا سواء مسلمسن او اقباط
احنا دمنا واحد وارضنا واحدة ولازم ايدنا تبقي واحدة
بس نعمل ايه طول ما في ناس من بواقي النظام السابق في البلد
مش هيتصلح حالها طول ما الرشاوى لسا مستمرة والبلطجية موجودين
والله الكل بيدعى ان ربنا يصلح حال البلد دى وتبقي احسن بلد في الدنيا
وده مش هيتحقق الا لما نكون ايد واحدة بجد
ونحاول بس نعمل كده احنا لو بقينا ايد هنبقي قوة لاتقهر
انا كده تقريبا خلصت اللى عندى مع انى لو اعدت اكتب للصبح مش هخلص
وربنا يقدم اللى فيه الخير ويهدى اهل البلد دى
ويحمى مصر ويحفظها ويبعد عنها اى حد عايز يضرها
وانصحكم انكم تدعو الدعاء ده بنية صافية ونفس خالية
اللهم من اراد مصر بخير فوفقه الى كل خير ومن ارادها بسوء فرد كيده في نحره وارنا فيه عجائب قدرتك
انا بقوله بعد كل صلاة فجر
ويالا الاسف على اللى احنا فيه
وربنا يارب يطهرها من الفساد
انا كده خلصت
تحياااتى