موقف مع ماما // من المواقف اللى مش هتتنسى أبدا
وانا رايحه اصلي الفجر ورا المسجد بعد ماتسحرنا
وقفت على السجاده شويه اتمتم بكلمات اعتقدت انه مفيش حد سامعني
كنت بدعي ربنا انه يكتبلي الموت وانا ساجده
كنت فاكراها مش سامعانى
لكن هيا حست بالكلام
ماسألتنيش انا بقول ايه ولا حاجه وسابتني اصلي عشان كان المسجد بدأ
بعد ماخلصت
رحت ابوسها قبل ماانام لقيتها بتقولى بتدعي ربنا انه يكتبلك موته وانتى ساجده؟
قولتلها انتي سمعتيني؟
قالتلي اه سمعتك
قولتلها زعلتي ؟
قالتى لآ أمنت وراكي
ربنا يكتبهالي ويكتبهالك بعد عمر طويل ليكي وتفرحى الآول بشبابك
جالي شعور غرييييب بعد كلامها !~
بفرح لما الاقي حد مات وهو ساجد
بقول يابخته أكيد فى الجنه
وانا زي حال أى مسلم بتمناها
اصلنا فى الآول هنموت وفى الآخر هنموت
يبقى ندعى ربنا يرزقنا حسن الخاتمه
يمكن ننولها
|