[طمطم]

من يوم م النتيجة ظهرت وانا عمالة استقبل ف الناس
كأنى راجعة م الحج xD



اللى تقولى

( ايه ده انتى خسيتى )

واللى تقولى

( هتبقى باشمهندسة ي ميرو , انا فاكرة اول مرة
اتعلمتى تربطى رباط الشوز لوحدك )

واللى يعلق ويقول

( شكلك ميديش باشمهندسة خشى حقوق او اداب )



عادى عالم رخمة وانا متعودة عليهم بقالى عقد وسبع سنين >>
الازمة الحقيقة واللى قهرتنى كـ باشمهندسة ميرنا =))

ان ماما جابت بيبسى لكل الناس اللى كانوا عندنا

ده غير سكان العمارة

والعماير المجاورة اصدقاء مامتى

ده غير مدرسين مدرستى

بالاضافة لعم فتحى

وعم ابراهيم

وعم مسعد

وعم احمد

كله شرب ,, الا انا

مع ان انا اللى نجحت ,, اه وربنا

#طول_عمرى_مظلومة_فيكى_ي_بلدى