منذ /07-26-2013, 04:06 PM
|
#1 |
| يا..... خليكى قاعدة كده .. !!
سالخير عليكم جميعا
أخباركو ياشباب ؟ بخير؟؟؟ طب الحمدلله
من فتره كدا شوفت توقيع لعضوة بس وربنا منا متزكر اسمها عجبنى مووووووت جدا اوى خالص اخر حاجه
التوقيع كان مكتوب فيه
" طلعت على السطوح وهز الهوا كمى كل البنات اتجوزت وانا قاعده جنب امى "
شوفتوا جميل ازاى
تيب
ندخل بقى فى ام هند ... بتقول ايه بقى ام هند
ها يا قمر عندك كم سنه ؟؟؟؟؟؟؟ قولى متتكسفيش ... اقولك قولى فى ودنى عشان متتحرجيش من حد
ها ؟؟؟ ....... يا لهوووووووى ولحد دلوقتى لسه متجوزتيش ولا حد متكلم عليكى
لالالالالالالالا مينفعش كدا متسكتيش على نفسك قطر الجواز هيفوتك
ولا انتى عجبك حالك كدا واللى اصغر منك عيالهم على ايديهم
وانتى لسه قاعده جنب امك
ها ايه رايكم فى الكلام دا ؟؟؟؟؟؟
هو الجواز عندنا خلاص ارتبط بسن
وكانه قانون
البنت اللى تتاخر فى الجواز يبقى فيها حاجه غلط طب ليه ؟؟؟؟؟
للدرجادى بقينا شعب متخلف
بس هرجع واقول هى ثقافة شعوب
ممممممم
نشوف البنات بقى
ها يا جميل منك ليها : ممكن ترضى تتجوزى اى حد لمجرد انه يتقال عليكى متجوزه ؟
بغض النظر عن الحب و الحاجات دى
مهو الطبيعى هتلاقى واحده ارشانه بتقولك اتجوزى عشان سنك
وكدا كدا لما يتقفل عليكوا باب وبالعشره هتحبيه ...
طب لو محصلش يا ارشانه تيجى تطبق فى زمارة رقابتك حتى لو مش هتستفاد هى حاجه .. وخلاص الفاس وقعت فى الراس
يا جماعه الموضوع كبيييييييير
مش عشان عايزه تهربى من م العونسه وكلام الناس و العزوبيه يبقى ترضى باى حد !!!!!
وبعدين هو احسنلك
تتجوزى لمجرد الزواج و الهروب من كلام الناس
و بعد كدا سنه واتنين وتلاقى نفسك مشرفه تانى بيت ابوكى مدلدله ودانك
ودا لانك اكتشفتى بلاوى فى الحزين جوزك او معرفتوش تتفاهموا و تتأقلموا على بعض
واساسى معاكوا ولاد و بقى دمار شامل لاسره وجنيتوا على اطفال بدون اى ذنب
و لا
انك تقعدى فى بيت ابوكى معززه مكرمه تستنى الشخص المناسب اللى تحسيه هيقدر يفهمك وتفهميه
ويكون فى تكافؤ فكرى تعليمى اجتماعى تكافؤ من كل حاجه
يا جماعه الجواز مش لعبه ولا اسبوع ولا شهرين
الجواز عشره بين اتنين هتدوم لـ سنين
فشوفى شريك حياتك مين ؟
و ازاى هتبقوا متفاهمييين ؟
و سيبكوا من كلام المتخلفين ؟ خالص حبى / محمود الصاروخ
|
| |