[βÄşmα ♥]

• || حلى كاسات الــ ثُـلاثي الــ مرِح .. فخم وراقي || •

أول شيء صورة عشان تشوفوا شكل الحلى ..~







سميته بهذا الاسم .. لأنو يحتوي على 3 أنواع من الشوكليت
اللي هم ( التويكس + السنيكرس + الجالكسي )
جمعتهم مع بعض في وصفة وحدة .. وحطيت كم شغلة من هنا ومن هنا .. لحد ما طلع معاي بالشكل اللي تشوفوه بالصورة
طبعاً الطعم .. ما راح أتكلم عنه .. لأن الصورة تتكلم ..~










|| حلى كاسات الــ ثُـلاثي الــ مرِح .. فخم وراقي || •



الحلى يتكون من أربع طبقات .. ~
الطبقة الأولى : طبقة بسكويت
الطبقة الثانية : الخليط الأبيض
الطبقة الثالثة : الخليط البني .. وهي خلطة الثلاثي المرح
الطبق الرابعة : الخليط الأصفر

وراح أبدأ معاكم .. بسم الله ..~


▨ ▨ ▨ ▨ المقادير والطريقة ▨ ▨ ▨ ▨



هذي صورة المقادير .. بتكفي لعمل 10 كاسات حلى
طبعاُ بتشوفون المارس مرتز بالصورة ..
حاب يتصور بس .. إلا ما له دخل بالموضوع ..؟!



▨ ▨ ▨ ▨ الطبقة الأولى : طبقة البسكويت ▨ ▨ ▨ ▨




حوالي 12 حبة بسكويت دايجستف
1 ملعقة صغيرة نسكافية
1ملعقة صغيرة سكر
شوية موية دافية


ضعي حبات بسكويت الدايجستف في كيس وكسريها بيدك ع خفيف ( مو محتاجة جهد كبير )
وحطيها بالكاسات
بعدين ذوبي النسكافيه مع السكر في المويه وشربي بها البسكويت ع خفيف !
لا تكثرين ويغرق .. ملعقتين في كل كاس بتكفي !

طبعاً بإمكانك تستخدمي كيك الشوكولا بالكريمة
لكني فضلت الدايجستف هالمرة
وفي المرات الجاية راح أغير .. وأحط كيك شكوكولاته بالكريمة ..~



▨ ▨ ▨ ▨ الطبقة الثانية : الخليط الأبيض ▨ ▨ ▨ ▨



علبة كبيرة حليب مكثف محلى
8 حبات جبن كيري بحرارة المطبخ
ظرف واحد دريم ويب


تخلط جميع المقادير بالخلاط الكهربائي لحد ما يصير قوامها كثيف ..
وتصب فوق البسكويت بهدوء !


غطي الكاسات ..
ودخليها الثلاجة لحد ما يبرد الخليط ويتماسك ..
وفي أثناء ذلك جهزي مقادير الطبقة الثالثة ..~




▨ ▨ ▨ ▨ الطبقة الثالثة : خليط الثلاثي المرح ▨ ▨ ▨ ▨




2 علبة قشطة
2 ظرف دريم ويب
2 سنيكرس
2 تويكس
2 جالكسي بالمكسرات
وبإمكانك استخدام ــ جالكسي منيتشرز ــ مثل اللي بالصورة
2 ملعقة طعام حليب نيدو بودرة
1 ملعقة طعام شوكولاته بودرة غير محلاة
2 ملعقة طعام سكر
5 حبات بسكويت أوريو




قطعي الشوكليت ( السنيكرس والتويكس والجالكسي ) مكعبات ..
وسيحيها في حمام مائي حتى تذوب فقط



بعدين أضيفي القشطة وحركي الخليط مضبوط !



أضيفي الشوكلاته والحليب البودرة والسكر حسب ذوقك واخلطي !
لحد ما يتجانس الخليط معاك !



طبعا عشان الحمام المائي اللي سويناه .. بيكون الخليط حار
فــ لازم تبردينه في حمام ثلج قبل لا تضيفي الدريم ويب !
أو انتظري لحد ما يفتر شوي .. وع بال ما تكون الطبقة الثانية من الحلى بردت وتماسكت ..~



هذي صورة الدريم ويب بعد ما بردنا الخليط
وأضفناها له ..~



حركي مضبوط لحد ما يغلظ القوام ويصير كثيف
ويصبح معاك بهالشكل



جيبي حبات الأوريو .. وافصليها عن بعض
( بيطلع معاك 10 حبات فردية )
غمسيهم في شوية حليب بارد وحطي في كل كاس حبه وحدة



بعدين صبي خليط الشوكليت ورجعيها الثلاجة !





▨ ▨ ▨ ▨ الطبقة الرابعة : الخليط الأصفر ▨ ▨ ▨ ▨



2 علبة قشطة
2 باكيت كريم كراميل
ظرف دريم ويب
2 ملعقة طعام حليب بودرة
10 حبات بسكويت بالسمسم
2 حبة فقط جالكسي منيتشرز
عشان نكسر لون الخليط وما يكون أصفر مرة [ اختياري ]







اخلطي المقادير مع بعض ما عدا البسكويت .. وما يحتاج حمام مائي ولا شيء
بس لو محتاج سكر أضيفي ملعقة صغيرة وحدة بس حسب رغبتك !




جيبي بسكويت السمسم وغمسيه في الحليب ع خفيف وحطيه بالكاسات فوق خليط الشوكليت



بعدين صبي خليط الكريم كراميل بالتساوي
ورجعيه الثلاجة وخليه 6 ساعات لحد ما يبرد ويتماسك ..~