السلام عليكــــــم
في حاجات كتيــرة اتغيرت عن الماضي
وكتير لما نيجي نستفسر عن حاجة نسمع جمـــلةٌ ( ده كان زمان )
عشان كده هجيب كل مرة حاجة بنعيشها وكانت زمان ازاي وتقولوا رأيكوا ,,
ده كان زمــــان 1
الاطفال ^^
كانوا زمان البراءة بتنقط منهم وهما ماشيين : ) بس دلوقتي في فئة من الاطفال والعياذ بالله : (
فقدوا البراءة بمعنى الكلمة
شوفت في الشارع واحد مش معدي ال4 سنين بس والله كأنه بلطجي بجد طريقة كلامه وحركاته وازاي بيكلم الناس اللي اكبر منه لا والابشع انه ماسك سكينة صغيرة بيخوف بيها الناس طيب ده ممكن لما يكبر يطلع بالمنظر ده ويفضل كده دايما
زمان كانوا بيلعبوا العاب بسيطة جدا صحيح انها تافهة
بس كانت بتبسط اوي
دلوقتي بقى اللعب إما : اي باد , موب , اي جهاز الكتروني
واللي مش عنده (نادرا طبعا ) تلاقيه دايما بيطلب من اهله انهم يجيبوله
يا ترى ليه الاطفال بتوع زمان مش موجودين دلوقتي الا من رحم ربي
ليه البراءة بتاعة زمان مختفية ؟