[طمطم]

مطولتش ف الخروجة ,, بصراحة هموت م التعب

يومي كان طويل بدآ من 7 الصبح الى الان بدون راحة _بس ع قلبي عسل

ده غير ان ورايا بكرة مشاوير بالهبل _ shopping بئآ وكده xD

تعالوا بئآ احكيلكوا نبذة ع اللى حصلي النهاردة


.....


طبعا طول الليل مجاليش نوم _لا مش قلقانة ي عم كنت تعبانة وكده

قلقت الساعة 6 الصبح ع صوت اختى وهى بتعمليّ اللبن بالشوكولاته بتاعى

اه 6 الصبح

قومت فضلت باصة للساعة _ انا ميعادى ف الكلية الساعة 9

وقعدت احسب ,,

عقبال م اقوم م السرير واروح الحمام بس _ نص ساعة

وعقبال م اخد الشاور واطلع وافطر _10 دقايق xD

اما بئآ اختار لبسى والبسه واتظبط _ ساعة xD

خلصت ونزلت علشان المسافة من بيتى للكلية ساعة بردك


وصلت الكلية ف ميعادى ,, كان مستنينى طالب ف اتحاد الطلبة _ معرفة قرايبى وكدهوت

لففنى شوية ف الكلية وبعدين بدأت ف آلآجرآءات ..

ووصلت لمرحلة الكشف الطبى .. وي ريتنى م وصلت


روحت مكان تفوح منه رائحة البنج ع بعد 70 كيلو لدرجة انى اتسطلت =))

بغض النظر ع اللى حصلى هناك انما عدت xD


خلصت و رجعت الف معاه ف الكلية تانى , تقريبا عرفت كل طريق ومدرج ف الكلية

وخلال الجولة دهيت فضلت أسأله عن كل حاجة كنت عايزة اعرفها وندمت لما عرفتها =))

بس مش مشكلة من باب اعرف مصيبتك واستعدلها

خلصت الجولة وقولت اروح ,,


احلى حاجة ف كل ده المعدية من بورسعيد لـ بورفؤاد

رايح جاى ع القناة كدهوت

انا اتحط ف اى حتة فيها مية تلاقيني منشكحة وش xD


بعد م روحت وكلمت صحابى اللى قابلتهم هناك .. اتفقنا نخرج نحتفل بهذا اليوم التاريخى

وقد كان ,,


وحاليا قاعدة ف بلكونتى حبيبتى ماسكة لابتوبى وف ايديا التانية عصير تفاح احمر xD

تقريبا بنام اكلينيكيا




اه صحيح .. لو الايام الجاية معرفتش ادخل كتير متقلقوش

دى آثآر م قبل هندسة =))










#تصبحوا_ع _ خير