[mariamo]

-

-

24- Shortcut - مين ربنا؟

الخميس 26 أبريل 2013 - الساعة 1:40ص

وأنا متجه على شاطئ السيارات بقيت كل ما أشوف shortcut أخدها وأقعد أفتكر واحدة من الshortcuts اللى عرفتها فى الدين وفادتنى..

>> عشان تفهم موضوع shortcut الدين أقرأ الفصل اللي فات رقم 23 عنوانه "Shortcut فى الدين" <<

أول shortcut فى الدين كان ليها أثر كبير عليا هى "التعمق فى معرفة الله سبحانه وتعالى"، قصتها معايا حلوة اوى

طبيعي أي حد يقرر يلتزم يكون ليه guide سابقه على طريق الإلتزام يعرفه تفاصيل الطريق دا. الguide دا ممكن يكون نبي وممكن يكون صحابي وممكن يكون شيخ وممكن يكون واحد صاحبك ألتزم قبلك بتلت او أربع سنين، فأنا زمان فى 2009 لما بدأت ألتزم دينياً كنت بروح لشيخ شاب أعرفه أكلمه عن المشاكل اللي بتقابلني في حياتي اليومية بسبب الإلتزام وأخد من خبرته في أني أزاي أتعامل مع المشاكل دي.

المهم في مرة كنت بشتكيله من الضغوط المجتمعية اللي بقت عليا من ساعة ما ألتزمت دينياً سواء من أسرتي او عيلتي او جراني او اصحابي او أي حد بقابله في حياتي اليومية مش قادر يستوعب أني مبقتش عايز أسيب أي أمر من أوامر ربنا ولا عايز أعمل أي حاجة حرام مهما كانت صغيرة وأن كل الناس محدش فاهمني وحاسس بالوحدة.

قالي أن من الضروريات اللي الواحد محتاجها عشان يتغلب على الضغوط دي هيا أنه يكون هو نفسه مستشعر أن ربنا دايماً معاه وومهتم بيه وبيساعده في كل موقف بيحصله في حياته اليومية ودا أكثر شيء بيعوضه عن الناس وبيثبته قدام أي ضغوط او مضايقات او فتن لحد ما هو مع الوقت يبقى نموذج للمسلم الصحيح والناس اللي كانت بتضايقه ترجع تعامله كويس بل تحترمه بل تقتدي بيه.

وسألنى سؤال منستوش لحد النهاردة، قالي:
هل أنت عارف مين ربنا؟ هل أنت حاسس بربنا في حياتك اليومية؟ عايزك تتخيل أنك جت لك فرصة أنك تقف قدام كل البشر اللى عايشين على الكرة الأرضية وتعمل presentation مدتها 5 دقائق عن ربنا، هتقول لهم إيه؟

قلت له: عادى يعنى، هكلمهم عن ربنا
قالى: طيب قولى، كلمني عن ربنا

قلت له "أوك أأأأأأأ" وقعدت أقول "أأأأأ" لمدة حوالي 30 ثانية وبعدين قلت:
عادي يعني هو في حد ميعرفش ربنا!

قالى: طيب جايز أنى فاجأتك بالسؤال او انت محرج منى، عايزك تروح البيت وتاخد shower وبعدها تقف قدام المراية تكلم نفسك 5 دقائق عن ربنا، وأبقى تعالى قولى أتكلمت قلت إيه

مشيت من عنده وأنا عمال بفكر، كلامه فاجئني اوى بجد، حسيت أن فى حاجة فيا غلط، ليه معرفتش أتكلم عن ربنا بلباقة وبأستفاضة زي مانا من كثرة قرائاتي وأطلاعي معروف في عيلتي أني بتكلم حلو وبفهم في كل حاجة ومعروف في الكلية أني بعرف أعمل presentations كويس؟

روحت وفى نفس اليوم عملت اللى قالى عليه؛ أخدت shower ودخلت أوضتى وقفلت الباب ووقفت قدام المراية وحاولت أعرف نفسى بربنا، حاولت أتكلم عن ربنا بأى حاجة..

قرأت "قل هو الله أحد" فى 10 ثوانى
وبعدين قعدت أقول جمل مقطعة، وبينها أئمئم: أممم، وأهمهم: هممم، وأتأتأ: تتت وأقول: أأأ

وبعد 60 ثانية تأكدت أنى فعلاً مش عارف مين ربنا..
والله غصب عنى لقيت نفسى بحط راسى فى الأرض وبعيط.. أتهزّيت

أنا ليه مش عارف أتكلم عن ربنا؟!
بقالي 24 سنة ربنا معايا في كل لحظة ومش عارف أتكلم عنه خالص!
للدرجة دي أنا كنت "غافل" عن ربنا؟

صحيح أنا قلت بعض الكلمات عن ربنا بس جمل قليلة جداً وكلها كنت حافظها ولكن للأسف مش حاسسها

أكيد المسلم لازم بيكون عارف حاجات معينة عن ربنا وإلا ميبقاش مسلم أصلاً، زى أن ربنا واحد أحد لم يلد ولم يولد، المعانى اللى حول: لا إله إلا الله

لكن أنا بتكلم عن التعمق فى فهم أسماء وصفات ربنا سبحانه وتعالى ومشاهدتها فى الكون حواليا، فى المواقف اللى بتحصل لى، فى الناس اللى بقابلها، فى الطبيعة والطيور والحيوانات .. فى كل حاجة فى حياتى..

يعنى مثلاً لما الصبح أفتح عينيا من النوم أفتكر أن ربنا هو "المحيي المميت"
ولما أشوف ماما بتصحينى أفتكر أن ربنا هو "الرب الرحمن الحنان"
ولما أفتح التلاجة عشان أفطر ألاقيها مليانة أكل بفلوس بابا أفتكر أن ربنا هو "المنعم الكريم"
ولما ألبس لبسى عشان انزل الشغل أفتكر أن ربنا هو "الوهاب"
ولما أبص فى المراية أحاول أجمل شكلى أفتكر أن ربنا هو "الجميل"

ولما أخد مفاتيح عربيتى أفتكر أن ربنا هو "المالك"
ولما أسلم على حارس العمارة أفتكر أن ربنا هو "السيد الأكرم"
ولما أشوف الحكة اللى فى جنب عربيتى أفتكر أن ربنا هو "اللطيف الرؤوف الحفيظ"
ولما أدى السايس فلوس يفضل يقولى "يا باشا" و"يا بيه" أفتكر أن ربنا هو "العظيم ذو الجلال والأكرام"

ولما وأنا فى عربيتى أشوف الناس فى الشارع كل واحد مشغول فى حاله أفتكر أن ربنا هو "قيوم السماوات والأرض"
ولما أشوف مديرتى فى وزارة الصحة أفتكر أن ربنا هو "القادر القدير المقتدر"
ولما أشوف يافطة عيادتى منورة أفتكر أن ربنا هو "الرزاق"
ولما المريض يشكرنى أفتكر أن ربنا هو "الطبيب الشافى"
ولما أطلع صدقة أفتكر أن ربنا هو "الشاكر المعطى الجواد المنان"

ولما أخرج مع أصحابى أفتكر أن ربنا هو "الصاحب الرفيق"
ولما أسافر الساحل أفتكر أن ربنا هو "القريب"
ولما أشوف واحد بعصى ربنا أفتكر أن ربنا هو "المعافي"
ولما نفسى توسوس لى أعمل حاجة حرام أفتكر أن ربنا هو "الرقيب"
ولما أعصى ربنا وأعمل ذنب أفتكر أن ربنا "شديد العقاب"
ولما أحس أنى مستحيل أدخل الجنة أفتكر أن ربنا "العفو الغفور التواب"
ولما تحصل لى مشكلة أفتكر أن ربنا هو "الوكيل"
ولما تتعقد خالص أفتكر أن ربنا هو "المعين"
ولما أصلى قيام ليل أفتكر أن ربنا هو "المحسن الغنى العزيز"
ولما المشكلة تتحل أفتكر أن ربنا هو "المجيب"
ولما أكلم حد فى الدين أفتكر أن ربنا هو "الهادى المبين"
ولما الناس تمدحنى أفتكر أن ربنا هو "الحليم الستير"

ولما يكون نفسى فى حاجة أفتكر أن ربنا هو "المقدم المؤخر"
ولما أتجوز أفتكر أن ربنا هو "الإله المعبود الطيب الودود"
ولما يجيلى بيبى أفتكر أن ربنا هو "الخالق البارئ المصور"

ولما أشوف الموت أفتكر أن ربنا هو "الرحيم"
ولما بإذن الله أشوف الجنة أفتكر أن ربنا هو "الصادق"
ولما بإذن الله أشوف ربنا أفتكر أن ربنا هو "السلام"

جربوا تاخدوا shower وتقفوا قدام المراية وتسألوا نفسكوا: مين ربنا؟
وأبقوا أبعتولى قولتوا إيه

يا ذا الأسماء الحسنى .. يا خالقنا غفرانك
نسألك وأنت الأسمى .. نأمل عفوك، سبحانك
يا خالقنا يا رب .. لعبـيدك أنِر الدرب
وأملأ عالمنا الحب .. يا ذا الأسماء الحسنى

__________________

"مارينا.. كان يا مكان" هيا قصة أحداثها حقيقية كتبتها من خواطر رحلة أنطوائية لمارينا يومى الخميس والجمعة 25 و 26 أبريل. هتلاقوا باقي الفصول على الصفحة. بفرح اوي بجد بقراءة تعليقاتكم سواء بالسلب او بالإيجاب ويسعدني أتحاور مع أي حد . لو عجبك فصل من الفصول او شايفه ممكن يفيد ناس من صحابك رجاء أبعتهولهم في رسالة خاصة او أنشره على بروفايلك. جزاكم الله خيراً
699Unlike · · Share
Top Comments
You and 2,908 others like this.
-----------------------------------------------------
التعليق :-
Aman // لولا أن الله سبحانه وتعالى رأى الخير فى قلبك ، ما هَداكَ إليه ، يشير إلى ذلك قوله سبحانه // { إِن يَعْلَمِ اللّهُ فِي قُلُوبِكُمْ خَيْراً يُؤْتِكُمْ خَيْراً } / {اللّهُ وَلِيُّ الَّذِينَ آمَنُواْ يُخْرِجُهُم مِّنَ الظُّلُمَاتِ إِلَى النُّوُرِ ... وَالَّذِينَ كَفَرُواْ أَوْلِيَآؤُهُمُ الطَّاغُوتُ يُخْرِجُونَهُم مِّنَ النُّورِ إِلَى الظُّلُمَاتِ أُوْلَـئِكَ أَصْحَابُ النَّارِ هُمْ فِيهَا خَالِدُونَ }البقرة257 // http://imageshack.us/a/img254/3905/51671855.png //
إقرأ وانشر هذه الحقائق↓ ليعرف الجميع السر وراء قتل وحرق المسلمين والمصاحف والمساجد ... الخ
-
بالفيديو.. نصوص الإنجيل لأول مرة بالإذاعة المدرسية بحضور وزير التعليم(الانقلابي) - أخبار ليل ونهار
-
المصدر و تعليقات القراء ↓
-
https://www.facebook.com/MarinaKanYa...13058628831732
-
الثلاثاء 20 ذو القعدة 1434
-