سؤالي الاول
لو ديانة والدة عروستك او عريسك مختلفة عن ديانتك بمعنى والدة عروستك مسيحية وهي مسلمة ؟ هل هتقبل ترتبط بيها وتكمل مشروع ارتباطك بيها ؟
طب لو لا ايه السبب من وجهة نظرك ؟
مش هقبل لانهم أكيد هيأثروا في اولادي بعد كده دي حاجة تاني حاجة اكيد هو متأثر بأخواله كتير واكيد مش هيكون ملتزم ولا متدين من الاصل ممكن التهاون في امر زي ده مع العروسة لكن العريس لا مش ينفع
سؤال تاني
لو اكتشفت بعد فترة حب وخطوبة ان خطيبتك او خطيبك مبيصليش ومتهاون في الصلاة تعمل ايه؟ وايه التصرف الصح الي تعملو في الحالة دي؟
لو ممكن ينصلح حاله ويصلي هنصحه بس لو هو مش هيستمع للنصيحة يبقى بلاش منه وده على فكرة بيبقى في الاول خالص ويمكن قبل الارتباط الرسمي كمان
السؤال التالت
لو خطيبتك او خطيبك مبيحترمش اهلو وممته وابوه واكتشفت دا بعد مرتبطتو ببعض ايه الحل السليم في الحالة دي؟
اللي ملوش خير في اهله مالوش خير في حد تاني
السؤال الرابع
لو بعد الخطوبة اكتشفت ان خطيبتك او خطيبك مش نظيف ومش مهتم بنفسه ونظافته الشخصية ومش مرتب وطريقة اكله مقززة هتعملو ايه؟
لا ده بلاش منه لانه هيبقى عكسي تماماً وانا مش بحب العفانة
في امور كتير مبنكتشفهاش الا بعد الجواز او الخطوبة والتعارف عن قرب
ايه اكتر حاجة ممكن لو اكتشفتها في خطيبك ممكن تنفرك او تخليك تاخد قرار حازم في عدم تكملة الموضوع؟
انه ميكنش بيحترمني ويقدرني وقتها لازم اسيبه
مميزة دايماً ايما في موضوعاتك
|