[big bốss]

شكلباظ

متستغربش من الاسم دا ، فعلآ الحياه بقيت شكلباظ ، كل حاجه داخله جو حاجه

و كل حاجه كانت ممنوعه زمان بقيت طبيعيه دلوقتى

يعنى لو لقيت بنت مؤدبه و محترمه و مش بتكلم ولاد تبقى معقده و تنكه و مغروره

و لو شاب عارف ربنا و محترم و مش بيكلم بنات يبقى خام و موضه قديمه و عايز

يتعدل ليواكب العصر و التحضر ، و لو لقيت شخص طيب يبقى دا عبيط و يتأكل

حقه و يداس عليه ، حتى فى الحب لو شخص بيغير يقلك انت معندكش ثقه فى نفسك

و لو منعت البنت من افعال معينه تبقى شخص متسلط و عايز تعيش دور سى السيد

طيب ليه القيم أتغيرت للدرجه دى و بقيت عكسيه ؟

هنقول الانفتاح و التطور فى التكنولوجيا هو الى عمل كدا و غير الدنيا و تفكير

و عقول المجتمع الى احنا عايشين فيه ، طيب هل الحريه غلط و هى سبب

المشاكل عندنا لاننا مش عارفين نستغلها صح و دايمآ بنستغلها غلط ، الكبت

و الحرمان احسن و افضل لينا ؟

احنا محتاجين ثوره اخلاقيه فى مبادىء و قيم المجتمع علشان نرجع كل حاجه

لاصلها لان كل تعاملتنا بقيت من غير اخلاق او ضمير