[cαяαмєℓ]

يآ مرحبآ بالجميع اليوم حابة أديكم موضوع صغنن أعتبروه مقبلات للموضوع الدسم القادم وبهذا الموضوع بتكلم عن أنواع القطط .. مارح يكون الموضوع بصورة عمليه مملّة ! لا بالعكس رح أحاول أخليه مخفف وسهل يكون زيادةثقافة للي مش مهتم بالقطط ومرجعلمربين القطط وكمان منها فرصة نتأمل بخلق الله تعالى . طيب بالأول خلوني أتكلم عن تاريخ القط "البس " الأليف . القط كائن حي <-- احلفي من الثدييات من فصيلة السنوريات يعني يصير ولد عم النمر والاسد والفهد يقولك إنو من زماااان كان كائن حي صحراوي وبكذا تشوفي القط يحب الحرارة والشمس لا وممكن كمان ينام في مكان مضئ وفيه شمس زي الفل , عندو قدرة كبيرة للرؤية في الظلام , كائنات حبوبة وتحب الصيد والافتراس والأهم تحب الفئران و الحشرات وتتغذى عليهم . ممكن تتعلم طباع معينة مثل : قضاء الحاجة في التواليت وغيرو . وعلى طاري هالكلام يقولك كان فيه أمير عندو قطط مربيها إنها تمسك الشموع وكان يتباهى قدام شعبه ويقول شوفوني قدرت أغير طباع هالقطاوة ! رد عليه أحد حكمائه وقاله :سلاماات مستحيل أحد يقدر يغير طباعها مارد الطبع يغلب ! قاله الامير : تتحدى . قال الحكيم :أيه , والله ويجيكم هالامير ويجمع خلق الله ويقولهم هااه شوفوا قطاوتي ماسكة الشموع ولا لها من الشيطان طاري , وشوي يدخل الحكيم ومخبي بيدينه فار وبنص إستعراض القطاوة يقوم ويفك لكم هالفار . وتعالوا دوروا القطاوة ورررررر راحت ورى هالفآر <-- لول كسر خاطري هالفار . وصارت فوضى كبيرة لآن الشموع طاحت وحرقت الدنيا ثم قال الحكيم : "الطبع يغلب التطبع" وإلي صارت مقولة شهيرة من بعد هذآك اليوم . وما أنسى هوس الفراعنة بالقطط ,أصلا يكون بعلمكم مصطلح "بسة" مأخوذ من الآلهة بآست الفرعونية . سبحان الله ما أدري إنتي لاحظتوا الشئ هذا معاي ولا لا ؟ بس حتى المصارية في زمننا هذا أحسهم أكثر من يربي القطط ! من خلال بحثي 90% من المقتنين للقطط كانوا مصآرية ! ياترى هل حب القطط في عروقهم مثلآ ! طيب وبعد ما فهمنا شوي عن تآريخ القطط , خلوكم معاي مع أنواع القطط .. القط الفآرسي "الشيرازي " : محبوب الملايين ,يستهوي الكل سبحآن الله إسألي أي إنسان وش أحلى قط عندك بيقولك أحلى شئ "أم شعر " إلي هي الشيرازية .. يقولك القط الشيرازي من أقدم سلالات القطط لو أكثر من 17 قرن !! أسعارها تتفاوت على حسب (العمر + الجنس ) : "كل ما كانت أصغر كانت أغلى , وطبعا الآنثى أغلى من الذكر " . بس تقريبا سعرها من 300 -5000 ريآلز سعودي وطبعا بالمحلات يتدبل السعر خذيها من هاوي ثقة أحسن لك ومن أنواع القطط الفآرسية : قط الهملايا الفارسي" Himalayan cat " : وغيرو كثير من أنواع الشيرازي بس الموضوع ما يتحمل أسهب فيها [ بس حبيت أنبه القطط هذي حساسة وما تتحمل بيئة الشوارع ] ننتقل إلي بعدو وصرآحة ما أدري ليش قلبي حن أقولهم وهم القطط المكروهه والمنبوذة للأسف الشديد من الكل ..وهل يخفى القمر ! القطط (البلدية ) الريفية "Alley cat طبعا القطط البلدية هي القطط المحلية , عن نفسي أعتبرها أكثر القطط تحمّل <--كفاية إنها تعيش بالشارع لو ربيت بالبيت يآ سلام .. طبعا مو كلها جياكر زي ماهو مأخوذ عنها بالعكس هي كمان أنواع وبعدين أصابعك موب سوى <--شوي شوي لايطق فيك عرق بالنسبة لأسعارها طبعا هي الأرخص على الإطلاق .. ممكن تأخذينها من المحلات وكمان رح يستغلوك ممكن يبعوها لك بـ 300 أو أكثر , فلزلك إذا تبغي وحدة نظيفة خذيها من مربّي القطط . أنا عن نفسي أحبهم كثير .. لآن كل قططي كانت بلدية كان عندي "صابرين " و"سبايدر" عالعموم عندي صور من الأرشيف لحبيب قلبي سبآيدر بأوريكم هيآ . معليش هاذي أوضح صورة عندي لآنو الله يرحمو ....... وبعدين أساسا هو كان يخليني أصوره يآويل أحد يقول عنو جيكر !! ترى القط في عين أمه ملك جمآل .. يووه يآ أيامك يىآ سبايدر المهم نرجع للموضوع ونشوف النوع الثالث إلي اخترتو لكم القط السيامي "siamese cat" : يووه عاد القط السيآمي عامل جدل مش طبيعي عن تاريخه وعن أصوله في ناس يقولوا إن أصولوا ترجع لدولة سيام سابقا إلي هي (تايلاند ) حاليا وفيه ناس لا يقولوا إن أصوله مصرية (فرعونية ) بدلالة إنو كانت صوره منقوشة على السجاد والأقمشة في عهد كيلوبترا يعني تقريبآ من (30 إلى 69 قبل الميلاد) <-- مهوب هين هالسيامي . ويقولك إن هالسيامي ينولد بلون موحّد في جسمه سبحآن الله تعالى وبس يكبر يصير عنده الأذون والذيل والفم باللون الأسود بسبب وجود "جين جزئي "يسبب تصبغات وهالتصبغات متوارثة بهالنوع من القطط فتشوفيها على حسب الحرارة إلي تتعرض لها القطة ممكن يتغير اللون إلى أسود ! وممكن ما يحصل شئ وبكذا الأخوان ما يتشابهون "سبحان الله " قط المانكس " manx cat قط المانكس منشآة في " the Isle of Man " (جزيرة الإنسان ) من قبل 18 قرن تقريبآ . يشتهر المانكس بعدم وجود الذيل له كصفة ورآثيه فيه والسبب جين في عموده الفقري أعتقد يخلي الذيل يا يكون قصير أو قصير جدا أو معدوم يقولك سبحآن الله هالقط مشهور كثير بالصيد والافتراس, طبعا زي ما إحنا عارفين أي شئ غريب يصير مقدّس عند الكفآر ! يآرب لا تبلانا !!فيقولك في زمن من الأزمان كان مقدّس هالقط . وطلعت عليه أساطير كثيرآ , من ضمن هالأساطير يقولك إنو كان موجود في زمن نبينا نوح -عليه السلام - وتآخر عن ركوب السفينة إلي تنجيهم من الطوفان فركب قبل ما يسكر الباب بثواني فتسكر الباب على ذيلو وقطعه ! وأسطورة ثانية تقولك إنو كان المقاتلين الارلنديين يحبون يزينون خوذهم كمباهاة يعني بذيول قطط المانكس , فصارت أم القطط تقطع ذيول أبنائها شفقة عليهم من هالمقاتلين ! كلها أساطير والله أعلم بمصداقيتها .. بالنسبة لسعره ! لا تفكرون فيه ممكن يوصل سعره إلى فوووق 14000 ريآل سعودي <-- ماقلت لكم فوق في بعضهم يقدسوه ! manx ذيله قصير : manx ذيله قصير جدا : manx ماله ذيل إطلاقآ : قط الأبيس حسب ما بحثت عنو يقولوا إنو كان من أيام الفرآعنة ومشهور في منحوتاتهم وكان رمز عندهم للرعب + الخوف <-- مع إن شكلو كيوت ! للأسف بحثت كثيـر عنو مالقيت عنه معلومات كثير كان ودي أعرف كم سعره على الأقل ووين تواجده الآن ! هالقط تحته استفاهمات كثيرة !! بس من جد شكل رزّته زي رزّة التماثيل الفرعونية صح ؟ قط البورما El Borma cat من أقوى القطط الأليفة . يصعب لغير المحترفين التفريق بينو وبين باقي القطط في بعض الناس يلخبطون بينه وبين الشيرآزيآت .. ما عندي معلومات كثيرآ عنو للأسف لكن لاحظت من خلال بحثي إن كلهم تكون مقدمة رآسهم غآمقة! ما أدري هي علامة مميزة لهم ولا لآ ! القط الروسي Russian Cat<-- وااه ياحلاته يدنننن ! موطنه في ميناء (ارخانجيلسك) في روسيا يحب الطبيعة أكثر من جو المنـزل , ويتكون فروه من طبقتين على شان كذا لونه رمادي غآمق أو أزرق باهت . وااي يآ ناس أنا صرآحة أنتخبه ملك جمآل القطاوة كلهم ! أبي واحد يآ دلبيييييييي ما يمديكم عليها صح ! أهي أهي ! ياليتو بين إيديني !! كبريآآء أوب طبيعي .