السلام عليكم ازيكو ؟!!
يارب تكونو بخير
انهارده انا عملت بلح شام بصراحه دي تقريبا 3 مره اعمله تقريبا كده
فـ لسه برضو الايد مش اخدت اوي فا مش تعيبو بئااااااااااا
اول حاجه بعملها السيرب
وهي في طاسه صغيره نص كوبايه مايه علي كوبايه سكر
دي صوره للسيرب قبل الغليان
واحطهم علي النار لغايه ما يغلي لما يغلي اضيف شويه فانيلا صغيرين وعصير ليمونه
ويغلي كمان غلوه واطفي عليه النار واسيبه هنلاقيه بئا تقيل كده شويه اخف من العسل
دي صوره للسيرب وهو بيغلي
الطريقه بجيب حله وبحط فيها كوبايه وربع ميه علي ومعاها معلقتين كبار سمنه
واحط الحله دي علي النار اول ما تبدأ تغلي اشيها من علي النار
واحط عليها كوبايه الا ربع دقيق ابيض عادي اللي هو الفاخر
وربع كوبايه دقيق سميد (السيمولينا)
انزلهم علي الميه دي واقلب بسرعه بمعلقه خشب هتبقي عجينه وارجعهم تاني علي النار دقيقتين كده
وارفع العجينه دي من علي النار واسيبها تبرد
دي صوره ليها وهي بتبرد
لما تبرد هنزل عليها 2 بيضه مخفوقه
ورشه فانيلا
واحطها في كيس الشيف او كيس الحلاواني وابدا انزل بلح الشام في طاسه فيها زيت غزير
ده الزيت الغزير
///
كنت محضر المصفي علشان ابقي اصفيه بعد ما اخرجه من السيرب
لما يبقي لونه احمر كده وحلو ومقرمش بطلعه علطول احطه في السيرب شويه كده وبصفيه من السيرب
///
///
مش تعيبو بئا علشان عارفه انه طلع شكله مش مظبوط اوي يعني بس المره الجايه يبقي احلي
سلام