[احساسى صحيح]

مش عارف اذا كنتم عارفين اغنية المطرب اللبنانى ايمن زبيب
شوبعملك انا حبيت ولا لا
انا احضرتها هنا للى ما شافها
وانا هعلق عليها بطريقتى الخاصه
كلمات الاغنيه باللون الاحمر
وتعليقى باللون الاخضر ..


[youtube]شو بعملِّك طب أنا حبّيت

يعنى بموت فيك اصحى للون يرحم ابوكى ما تودنيش فى داهيه

و مش قادر أفتحلِك بيت

يعنى بالعربى الفصيح تحمدى ربك إنى عبرتك م الاساس

لا بيّي مورّتني ورتة

يعنى لا عندى ابيض ولا اسود عشان لو كنتى طمعانه يبقى تريحى روحك م الاول

ولا حتّى علمي كفّيت

يعنى مفيش معايا شهادات افهمى الكلام الواد صاحب الاغنيه ده هيودينى فى داهيه

شو بعملِّك هيدا وطننا

يعنى حالة البلد المعفنه هى السبب مش تيجى بقا تقولى مش جاب حاجه
ولا حيلته حاجه هو ع الكل يا روح ماما

و النّاس اللّي بتخلق عنّا

بصراحه الكلمه دى حاولت افهمها معرفتش انشالله عنك ما فهمتيها

ناس بسمنة و ناس بزيت

يعنى الناس مش وراهم غير الكلام ووجع الدماغ مهما يقولولك عنى
مش تعبريهم المهم انى اقدر اساسا اجبلك سمنه وزيت

شو بعملِّك
شو بعملِّك إن كنّي هيك

هعملك ايه يعنى ادى الله وادى حكمته حظك ونصيبك
ولو مش عاجبك طسى راسك فى الحيط

دخلك يا اللّه الرّزقة عليك

يعنى بصريح العباره انا عملت إللى عليا وحبيتك انتى هتنهبى يعنى
يعنى هجبلك منين احمدى ربنا واسكتى احسنلك

و راسي بيضلُّه مرفوع

يعنى مش معنى انى حبيتك انك هتزلينى لا يا روح ماما كان غيرك اشطر
دا انا مدوبهم خمستاشر والباب اهو يفوت جمل

أنا و الغلط عندي ممنوع

يعنى هتفكرى تقلى ف ادبك مفيش غير الجزمه
يعنى فلوس مفيش بس الكرباج موجود

لو بدّي موت من الجوع
ما بقلِّك كلمة يا ريت

يعنى لازم تفهمى كويس انى مش هستعطفك يعنى اكلها بدقه
ولو اقولك سلفينى حاجه من عندك
هو ممكن لو توليتى انتى المصاريف مفيش مشكله

كرمالِك بتحدّى الرّيح

يعنى شوفى م الاخر كده انتى حبيبك راجل بجد
يتحدى اى حاجه بس اوعى فى يوم تيجى تقولى خرجنى ولا هات اشترى
هيبقى اخر يوم ليكى معايه

ما يهمِّك متربّى منيح

يعنى متخفيش اهم حاجه انى متربى كويس وده الاهم من اى حاجة
فا م الاخر كده لازم تبقى عارفه ان ده اخرى

و عندي الكرامة عنوان

تقريبا هى دى الحاجه الوحيده هتلاقيها زى العلم كده

و ما بتنازل لَ إنسان

يعنى بروح اهلك غصب عنك هتتجوزينى يعنى هتتجوزينى بلطجه بقا


و ما بيغرّوني النّسوان

يعنى مفيش حد غيرك يا بت
انتى إللى فى الحته الشمال يا مضروبه

و ما بعشق غير بنت البيت

انتى فاهمة الكلمه دى يا بت ؟
دى اهم ما فى الموضوع كله
يعنى عايز كل تظبطى نفسك كويس
يوم ممبار يوم طواجن يوم حمام يوم فراخ
يعنى تظبطى نفسك كويس واوعى تجيبى سيرة الفلوس
اتصرفى يا روح ماما
كفايه عليكى اخدتى الاسد