من المواقف اللى مش هنساها ابدآ لابنى
عند بيت بابا فى جامع كل يوم جمعه بعد الصلاه ينظمو مسيره طبعا مؤيده للاخوان
وكتير قبل كده حصلت مشادات بين مؤيد ومعارض فى الجامع ده
المهم امبارح بئا بعد الصلاه واقفين كلنا نتفرج على المسيره من البلكونه
ابنى سئلنى ماما الناس دول تبع مين مرسى ولا السيسى
قولتله لا حبيبى تبع مرسى سكت وشويه لقيته دخل جاب علم مصر
وبعلو صوته من البلكونه وبيغنى تسلم الايادى
حافظ جزء كبير منها هوا
حطيت ايدى على بوئه بسرعه بس يواد اسكت
يشيل ايدى بعصبيه ويقول يعيش السيسى
وطبعا كل اللى واقف فى البلكونات عمالين يبصو علينا واللى عينه بطق شرار
واللى فطسان على نفسه من الضحك
وانا من صدمتى بضحك بس خايفه لحد من المسيره يسمع ويبقى يومنا مش فايت بحاول ادخله بس مش قادره
هو زى كتير من الاطفال مغرم ببدله السيسى العسكريه لانه عايز يطلع ظابط
فضلت افهمه كتير انه مينفعش يعمل كده مره تانى بس فضل يسئلنى اسئله
كتير صعبه لو جاوبته مش هيفمنى فى الاخر قولتله بص ياكيرو
احنا بنحب مصر مهما كان مين رئيسها انت بتحب بلدك
بس تقول لمين الواد حتى لو ماشى يدندن بيغنى تسلم الايادى
الحمد لله اليوم عدا من غير ضحايا ارواح بس ربنا يستر بئا فى اللى جاى
