[كوين ميرو]

الو كرستين حبيبتى ازيك

كويسه حبيبتى انتى ازيك ياميرو

انتى نايمه ولا ايه ياكوكى

اها نايمه انتى عارفه علشان بصحا بدرى لشغلى فى حاجه ولا ايه

اه ياكرستين فى حاجه ضرورى جدآ ممكن تصحى تفوقى كده وترنى عليا

خير يابنتى قلقتينى فى ايه قولى مالك

لا اللى هقولو لازم تكونى فايقه وانتى بتسمعيه علشان تفهمى

طيب دقيقتين بس اغسل وشى وارن عليكى يامارى

اوكى مستنياكى بسرعه بس

بعد خمس دقايق

الو مارى فى ايه طمنينى ايه اللى حصل موتينى من القلق

كرستين انتى فوقتى بجد وواعيه ولا لسه نايمه

فوقت يابنتى والله تحبى اقولك تاريخك الاسود كله

لالالا مش ضرورى .. كرستين... صمت رهيب

ها فى ايه انطقى

كرستين ..... ووووحشتينى موت

طيب وبعدين فى ايه

لا مفيش حبيت اقولك بس وحشتينى موت

اه ياجزمه يا تييييييت اصلآ انتى تيييييييت ( مش ضرورى التفاصيل الممله دى )

ولو قدامى دلوقتى كنت تيييييييت (لسانها بينقط عسل )

ميرسى ياكوكى ميرسى حبيبتى كفايه انا كده هتغر

والسكه اترزعت فى وشى من ساعه تقريبآ ومش بترد

شكلى كده ضيعت 12 سنه صداقه اهى اهى اهى

ادى اخره الرومانسيه يخربيت المسلسلات التركى والهندى اللى بوظت عقولنا دى

يارب يارب الصبح تفتكره مجرد حلم