[أحمد الجمل]

أنا كنت بقول امته اتجوز .. قمراية بجد وارتاح من عيشة العزوبية .. علشان اتهد وف يوم منحوس وقعت رجلي .. واتشدت شد واتجوز أحمد قمراية .. وجميلة بجد وعشقت حبيبتي وعشقتني .. أكتر وازْيَدْ والدنيا بحالها بقت ملكي .. والحزن ارتد والفرْح بسرعة عرف بيتنا .. وبقينا اسعد وحماتي الله يخرب بيتها .. أستاذة هَد خربتها وعملت مظلومة .. وملهاش ولا يد وإْديها يدوب كانت تبني .. في نهاية السد أنا قلت أتجوز من تاني .. وارتاح م الهم وتعوض ابني اللي معايا .. حرمان الأم شهرين والتالت والدنيا .. بقت غم ف غم والزوجة التانية بقت قاسية .. وعديمة الدم والوش التاني ظهر منها .. أسوأ واشأم وغبية وكارهه الواد وامِّي .. والخال والعم وصبرت عليها كتير ياما .. يمكن تتلم الصبر زهق مني وقال لي .. روح جاتكو الغم أنا قلت أجيب ضرة تكيدها .. يمكن أرتاح وسكنت بعيد عنها ف شقة .. وبقيت سواح يوم عند التانية ويوم تاني .. عند ام نواح واتزبطت دنيتنا شوية .. وبدأت ارتاح حسدوني وقالوا اتنين تحته .. حلوين وملاح متهني ومبسوط متدلع .. إن جه أو راح والدنيا اتقلبت من تاني .. زعابيب ورياح والغيرة بدت تاكل فيهم .. والكيد اهو فاح بتحب التانية أكتر منى .. وعياط وصياح طلقني ويخلالك جوك .. وتعيش في براح من دي بسمعها وم التانية .. في مساء وصباح والبيت بقا ولعة ومين يقدر .. على كيد أرواح أنا قلت يا واد سيبك منهم .. خليك لماح طلق الاتنين واخلص منهم .. ماهو دا اللي متاح ******************************* بقلمي أحمـــ الجمل ـــد