[كوين ميرو]

دى قصه صغيره علشان نفهم ان ربنا له حكمه

كل شئ بيحصل لنا فيه حكمه بس احنا بعجزنا البشرى

ممكن نكتشف الحكمه دى متاخر

المهم انك تكون واااثق دايمآ فى اختيار ربنا لك

ورحمته حتى وقت التجربه بيكون فى حكمه

القصه لسواق تاكسى راجل ارزقى وقوته وقوت ولاده كل يوم بيومه

المهم السواق نزل فى يوم وفضل يلف يلف ومفيش شغل

تانى يوم وتالت يوم ورابع يوم وبردو مفيش شغل

لدرجه انه مبقاش معاه فلوس يجيب بيها بينزين للتاكسى

ويدوب الموجود فى التاكسى يرجعه بيته

فى طريق رجوعه لبيته بقى حزين وفضل يلوم ربنا

انت ليه نسيتنى وسايبنى لوحدى انت يارب اكيد مش بتحبنى

طيب ذنب اولادى ايه وفضل يلوم ربنا وهو حزين

وبعدين دموعه نزلت وبمنتهى الثقه قال انا واثق فى محبتك يارب

رجع الراجل البيت وهو حزين بس قلبه مليان سلام

وثقه فى محبه ربنا

وعلى الساعه 3 او 4 الفجر فى نفس اليوم لقى الجيران بيخبطو عليه

ياعم فلان الحق عربيتك كانت هتتسرق

والحرامى يدوب مش بيها لاخر الشارع

ووقفت بيه واحنا مسكناه

الراجل دموعه نزلت وفهم بسرعه

حكمه ربنا ان بقاله كام يوم مش لاقى شغل

وده يفهمنا ان حتى الحاجات الصعبه

اللى بتحصل لنا فى حياتنا احيانآ بيكون

المقصود بيها خير لينا فى الاخر

وان كل شئ بيحصل لنا وراه حكمه عند ربنا

وعلينا دايمآ دايمآ نثق فى محبه ربنا لينا

حتى وسط التجارب الصعبه

القصه دى حصلت حقيقى على فكره مش مجرد قصه