[^أحمد الخزرجى^]

قالولى صاحبك اتقتل
والطلقة جت فى القلب

سألتهم بصدمة ازاى حصل؟
قالولى قتله الكلب

طلقة رصاص قناص
حقير غبى وخناس

ملعون عديم احساس
طب قتله بأى ذنب!

لأنه رفض يعيش مذلول
أو من عبيد الغوووول

قام نادى بأعلى صوته
وقال للخاين غووور

ليه سرقت ارادتى
وفين صوت اللى انتخب

فين حق الشهيد!
اللى اتقتل ولا عجب

فين حريتنا المسلوبة
اللى اغتصبها قادة العرب
..
وكان جزائه إن اتقتل
من خاين وكلب

لكن بإذن الله يكون
فى الجنة شهيد انكتب

آخر جملة قالها لى
ابشرالنصر ياصاحبى اقترب

اياك تبيع القضية