ندخل بالموضوع علطول؟
علشان انا مخضوضه شويه ....
وعايزه اتكلم كتير لغايه ما اقووول بس ...
النهارده اول يوم ليا في الكليه بتاعتي بعد اجازه طويله ..
المهم ... مكان الكليه بعيد حوالي ساعه ونص طريق
ومحتاج مواصلات .....
السواق بتاعنا متغير الي كان بيوصل 20 بنت للكليه ..في السميستر الاول
جاه سواق تاني مش عارفه بصراحه
ده جاي منين ....
جابولنا واحد شكله مش مكمل تعليمه ومش عنده اخلاق ولا ذوق
ولا احترام بجد وانا مش بغلط فيه انا بقول الحقيقه والي شفته بعيني وسمعته ...
النهارده رحت اول يوم ليا حضور كليه ...
جمع البنات كلنا الصبح وركبنا
واتصلت بيه الصبح لما نزلت ...
رد عليا انا واقف عند الاشارات اختي
شويه واجي ...
اوكي كده تمام ...ركبت ومفيش حاجه حصلت عادي كله تمام لما جه
بس بدأ ببصات غريبه كده
لقيت عينه عليا وانا خفت بصراحه مش بحب الحاجات ديه ومش متعوده عليها
...
المهم قلت في سري استر يارب ...
ركبت بقي .....وطول الوقت في المرايه بتاعت الباص
بيبص عليا قلت يمكن انا سيئه الظن وبصيت تحت .... وحاولت التفت
يمين وشمال بعيد عن المرايه ...
وفجاه
الشارع بقي زحمه وكان في شرطي
بينظم حركه المرور بس الشارع زحمه جدا فمش عارف يحرك الطريق
راح بقي سواق الباص مطلع راسه من الباص وايده
ويقول هييييييي انت انت وسع
ديه كانت اول بدايه ابدا اخاف منه
والبنات بصراحه مشفتش كده مسخروها بيضحكوا ومفيش حاجه بتضحك
المهم لما وصلنا الكليه الحمدلله وخلص اليوم الدراسي بنجاح
جينا بقي واحنا مروحين
البنات كلموه
واتقسمنا نصين
10 هيروحوا بدري بساعه
و10 هيروحوا بعدينا بساعتين
طبعا انا رحت مع اول عشره علشان كنت مخلصه محاضراتي ومفيش حاجه اعملها...
وياريتني ما رحت بجد ..
ركبت الباص
وكنت دايخه وعايزه انام لاني مش نايمه امبارح
ومش شايفه قدامي اصلا
رحت حطيت راسي على الكرسي وغمضت عيني ونمت
ولما فتحت عيني لقيت عينه في المرايه عليا
خفت بردو
وشكله لو تشوفوه نقول ده بتاع عصابات
المهم قلت خليني ابص يمين ولا شمال ...
بعديها بشويه اخينا حب يستظرف ولا مش عارفه جاتله حاله ولا ايه
شغل اغنيه بصوت عالي فيها كلمه احبك وامواه وكلام من ده
وبصوت عالي في الباص
...
انا طبعا جبانه جدا جدا جدا جدا
بديت اخاف منه ..
بالاخص وهو
مبسوط مع الاغنيه ويضرب بايده على الدريكسون
ويغير الاغنيه مره راب صياعه مش عارفه كان بيقول
انا الي ميعرفنيش اقطع رجله ولا اخلي الاسد ياكله كلمات زباله كده
كلها زي الارهاب...
المهم عند كليه تانيه ياخد بنات منها بردو ...
فبيقوله السكيورتي متقفش هنا اقف النحيه التانيه
ام مطلع راسه ومزعق وفين التانيه اروح فين انا يعني
زحمه وكلام من ده ....
المهم ركن على جنب ..
وجاه واحد صاحبه ولا زميله في الشغله بيقوله ...
انا معايا 4 بنات خدهم مع ال10 الي معاك وصلهم
وانا هوصل الـ 10الي انت سايبهم في الكليه التانيه
راح ده قايل تمام ...
وفي بنت مش عايزه تركب معاه وهي جايه من بعيد بتشاور
لسواق الباص بتاعها لا لا ده لا
راح سواق الباص بتاعنا الجديد ده قالها
حاجه بمعني روحي في داهيه انا مش عايزك يعني...
لو مش عاجبك متجيش مش بغصب حد وكده...
المهم ركبت ... وفي الطريق بردو مشغل اغاني بصوت عالي جدا
واغاني هبله اول مره اسمعها زي ما قلتلكم
واحده راب ارهاب وواحده حب وبوس ومش عارف ايه
ويضرب ايده على الدريكسون
ويضرب فرامل جامد انا اتعورت
خبطني جامد في راسي
ضرب فرامل جامده
كل فتره وفتره يعمل كده ... بقولك والله احنا بقينا بنقول كلنا يارب استر
وكنت بدعي مكنش انا اخر واحده يوصلها البيت
علشان انا خايفه منه
جاله اتصال في الطريق من صاحبه
بيقوله هم 9 بنات بس
مش 10
راح قاله
لا هم 10 في بنت عامله زي القنبله كده في الكليه
لابسه اسود اوعي تنساهم
اللفاظه بجد بيئه اوي ....
طبعا البنات كلهم يضحكوا
وانا قاعده خايفه منه
سألني انتي بيتك فين ؟
قلت بقي في سري هو ده بيستظرف ما هو جايبني الصبح
رحت ساكته
سأل تاني بيتك فين يا امي
انا مش عارفه ارد بصراحه
خايفه ارد يزعقلي
وخايفه مردش يزعقلي
قعدت ساكته ومش ببص عليه وكايني مش سمعاه
راحت واحده قيلاله مكان بيتي بدال عني يعني
قالها هو انا سألتك انتي ؟؟
سالتك انتي؟؟؟؟
وطبعا كل ما يعدي من جنب شاحنه كبيره نقول يا سااتر يارب
لان هو اصلا بيسوق بتهور وسريع وبيضرب فرامل
وكان هيخبط في مجموعه شباب
وراح مشاور بايده ليهم كاينه بيعتذر يعني
بعدين في الطريق وانا خايفه طبعا ...
فتحت الموبايل شويه
على منتديات بنات مصر
وجاتلي رساله من مشرف...
قالي فيها انه عايز طلب تصميم حاجه ..
فقلتله تمام ... بس ادعيلي الاول اوصل بالسلامه
وبعديها لقيت رد المشرف بيدعيلي
ولقيت سواق الباص قرب من بيتي
فرحت جدا
بجد فرحت جدا جدا جدا جدا
قعدت بقي اقول ربنا يحفظ المشرف ده ههههههههههه
المشكله ان بكره هضطر اركب مع السواق ده تاني
لان في مشاكل بالمواصلات والباص ده لقيناه بالعافيه
ربنا يحميني ويحميكم يارب
حاجه بسيطه حبيت افضفض فيها
وبعتذر عالازعاج بقي
مع العلم اني مش مقيمه في مصر بدون تحديد فين بقي