[ᗩ ᕼ ᗰ ᕮ ᗪ]

اقتباس المشاركة الأصلية كتبت بواسطة silver spectra طب ما عمك مرسي لما مسك المنصب و عين سفير هناك كتبله رسالة (صديقي العزيز بيريز) و غيره من كلام الحب اشمعنا دي عديتها في مرسي ؟ انا ماعنديش مشكلة انك تنتقد بس المشكلة عندي لما تحط مرسي قدوة موضوع ادانة العدوان مافيش اسهل منه . بس انت تجاهلت رسالة التعيين اللي فضحوها =========== بسم الله الرحمن الرحيم محمد مرسي رئيس الجمهورية صاحب الفخامة السيد شيمون بيريز رئيس دولة إسرائيل عزيزي وصديقي العظيم.. لما لي من شديد الرغبة في أن أطور علاقات المحبة التي تربط لحسن الحظ بلدينا، قد اخترت السيد السفير عاطف محمد سالم سيد الأهل، ليكون سفيرا فوق العادة، ومفوضا من قبلي لدي فخامتكم، وإن ما خبرته من إخلاصه وهمته، وما رأيته من مقدرته في المناصب العليا التي تقلدها، مما يجعل لي وطيد الرجاء في أن يكون النجاح نصيبه في تأدية المهمة التي عهدت إليه فيها. ولاعتمادي على غيرته، وعلى ما سيبذل من صادق الجهد، ليكون أهل لعطف فخامتكم وحسن تقديرها، أرجو من فخامتكم أن تتفضلوا فتحوطوه بتأييدكم، وتولوه رعايتكم، وتتلقوا منه بالقبول وتمام الثقة، ما يبلغه إليكم من جانبي، ولا سيما إن كان لي الشرف بأن أعرب لفخامتكم عما أتمناه لشخصكم من السعادة، ولبلادكم من الرغد. صديقكم الوفي محمد مرسي ================ كانت شقيقة و لا مش شقيقة برضو ايامها ؟

بصراحة مكنتش اتوقع منك انت بالذات انك تتكلم فى نقطة الخطاب دى
لانى اللى اعرفه عنك انك شخص واعى ومثقف وفاهم
واكيد برضو تعرف يعنى ايه صياغة الخطابات الدبلوماسية
اللى توارثناها من عهد المخلوع
لكن لو عايز تحكم على علاقتنا مع الشقيقة اسرائيل فى عهد الرئيس مرسي
شوف شخص الرئيس والحكومة والنظام ككل فى عهده
فالرئيس مرسى لم يذكر اسم اسرائيل على مدار السنة
والمرة الوحيدة التى تحدث عنها كان اثناء العدوان على غزة
ووقتها تحدث بلهجة تهديد للكيان الصهيونى
لكن اصحاب النفوس المريضة من معارضى الرئيس فى الوقت ده
سابوا كل ده و تفرغوا فقط للخطاب اللى اتبعت لكل حكام العالم بنفس الصيغة
.....
عشان كده انا قولت فى نهاية الموضوع

اقتباس لا مجال هنا للدفاع والتبرير .... فمن يريد أن يناقش ويجيب عن أسئلتى برجاء أن يناقش بواقعية و ادله ولا يكتفى بالكلام المرسل

فين كلامك وتعليقك عن الكلام اللى قولته فوق
فين اجابتك عن الاسئلة ؟؟

تحياتى يا طارق