[SiLver Spectra]

اقتباس المشاركة الأصلية كتبت بواسطة ᗩ ᕼ ᗰ ᕮ ᗪ بصراحة مكنتش اتوقع منك انت بالذات انك تتكلم فى نقطة الخطاب دى لانى اللى اعرفه عنك انك شخص واعى ومثقف وفاهم واكيد برضو تعرف يعنى ايه صياغة الخطابات الدبلوماسية اللى توارثناها من عهد المخلوع لكن لو عايز تحكم على علاقتنا مع الشقيقة اسرائيل فى عهد الرئيس مرسي شوف شخص الرئيس والحكومة والنظام ككل فى عهده فالرئيس مرسى لم يذكر اسم اسرائيل على مدار السنة والمرة الوحيدة التى تحدث عنها كان اثناء العدوان على غزة ووقتها تحدث بتلهجة تهديد للكيان الصهيونى لكن اصحاب النفوس المريضة من معارضى الرئيس فى الوقت ده سابوا كل ده و تفرغوا فقط للخطاب اللى اتبعت لكل حكام العالم بنفس الصيغة ..... عشان كده انا قولت فى نهاية الموضوع فين كلامك وتعليقك عن الكلام اللى قولته فوق فين اجابتك عن الاسئلة ؟؟ تحياتى يا طارق

طيب يعني انت بتدي مبرر ؟
غيرك عنده مبرراته برضو لكل اللي ذكرته
بس في النهاية عندي رسالة بتعبر عن مفهوم المحبة باحلى صوره ..فمانقدرش غير اننا نقول انها كانت شقيقة =)
اما موضوع انه مش هيقول اسم اسرائيل ..فدا جبن ؟
لما نحطها جنب الرسالة دي نفهم ايه ؟
الموضوع انه مش عايز يقول حاجه الناس تمسكها عليه
يعني عندي الرئيس يكون شفاف احسن من انه يبقى بوشين

انت ذكرت و بتقول لا مجال للدفاع و التبرير مع ذلك انا مش بررت انا بديلك نقد لامر انت ذكرته في الموضوع و حطيت فيه مرسي قدوة
و انت اللي بررت مش انا في ردك عليه
موضوع انه متوارث من ايام مبارك . يعني نفهم من كدا انه كان زي مبارك ؟
و ايه اللي يجبره اصلا يرجع السفير اللي كان في مصر من 2011 طالما هو ضد اسرائيل و ضد التطبيع و ضد كل حاجه بتتعلق باسرائيل ؟

موضوع اني لازم افهم في الدبلوماسية . طيب و هل مطلوب اننا نفهم العلاقات الدولية كمان و المصالح و لا لأ ؟
تفتكر لو كانت الرسالة اللي حطيتها دي حديثه مع عادلي منصور كان موقفك هيبقى برضو اصلها دبلوماسية و لا ماكنتش هتقول كدا ؟

عارف انا انتقادي للرسالة دي في حاجه واحده بس ..هو انك تبقى بوشين
تشتم في اوباما و تقول هذا الاوباما و بعدين تقول انه صديق و علاقات دافئة و ساخنة
تقول صديقي الوفي و بعدين تتجنب ذكر كلمه اسرائيل اللي كان ليل و نهار بيشتم فيهم قبل كدا ..
دا اللي بنتقده هو انك تبقى انسان ازدواجي
اما موضوع الدبلوماسية فانا بتفهمه جدا و قبل كدا بتفهم العلاقات الدولية و الاتفاقيات و المصالح
فمش انا اللي محتاج مراجعة في حاجه زي كدا