[ᗩ ᕼ ᗰ ᕮ ᗪ]

اقتباس المشاركة الأصلية كتبت بواسطة silver spectra طيب يعني انت بتدي مبرر ؟ غيرك عنده مبرراته برضو لكل اللي ذكرته بس في النهاية عندي رسالة بتعبر عن مفهوم المحبة باحلى صوره ..فمانقدرش غير اننا نقول انها كانت شقيقة =) اما موضوع انه مش هيقول اسم اسرائيل ..فدا جبن ؟ لما نحطها جنب الرسالة دي نفهم ايه ؟ الموضوع انه مش عايز يقول حاجه الناس تمسكها عليه يعني عندي الرئيس يكون شفاف احسن من انه يبقى بوشين انت ذكرت و بتقول لا مجال للدفاع و التبرير مع ذلك انا مش بررت انا بديلك نقد لامر انت ذكرته في الموضوع و حطيت فيه مرسي قدوة و انت اللي بررت مش انا في ردك عليه موضوع انه متوارث من ايام مبارك . يعني نفهم من كدا انه كان زي مبارك ؟ و ايه اللي يجبره اصلا يرجع السفير اللي كان في مصر من 2011 طالما هو ضد اسرائيل و ضد التطبيع و ضد كل حاجه بتتعلق باسرائيل ؟ موضوع اني لازم افهم في الدبلوماسية . طيب و هل مطلوب اننا نفهم العلاقات الدولية كمان و المصالح و لا لأ ؟ تفتكر لو كانت الرسالة اللي حطيتها دي حديثه مع عادلي منصور كان موقفك هيبقى برضو اصلها دبلوماسية و لا ماكنتش هتقول كدا ؟ عارف انا انتقادي للرسالة دي في حاجه واحده بس ..هو انك تبقى بوشين تشتم في اوباما و تقول هذا الاوباما و بعدين تقول انه صديق و علاقات دافئة و ساخنة تقول صديقي الوفي و بعدين تتجنب ذكر كلمه اسرائيل اللي كان ليل و نهار بيشتم فيهم قبل كدا .. دا اللي بنتقده هو انك تبقى انسان ازدواجي اما موضوع الدبلوماسية فانا بتفهمه جدا و قبل كدا بتفهم العلاقات الدولية و الاتفاقيات و المصالح فمش انا اللي محتاج مراجعة في حاجه زي كدا

اولاً يا طارق انا مش بدى أى مبرر انا بتكلم عن واقع زى ما قولت
وكنت اتمنى ان اللى يناقشنى يجاوب عن اسئلتى الاول وبعد كده يناقش بأدلة
لكن انت دخلت تبرر على طول بحاجة تانية ملهاش اى علاقة بأسئلة النقاش

بخصوص بقى الرئيس مرسى
فانا حطيته فى نهاية الموضوع كتعبير عن رأى صاحب الموضوع
لكن مخصتهوش بأى سؤال فى اسئلة النقاش
لانى عارف ان فى ناس عندها فوبيا مرسى
وهيقعدوا يجيبوا كلمة من الشرق وكلمة من الغرب

اما عن كلامك بقى "جبن وحاجة الناس تمسكها عليه"
انت بكده هتخلينى اغير فكرتى عنك 180 درجة
لانك كده بتقولى انا بمشى ورا كلام الناس مش ورا عقلى
الرئيس لو كان جبان مكنش تحدى اسرائيل بالكلام اللى قاله
وتم اذاعته على التليفزيون الرسمى للدولة
مكنش تحداهم بارساله وفد رئاسى مع رئيس الوزراء لغزة اثناء العدوان
الرئيس لو كان جبان مكنش تحدى ايران فى قلب ايران
لو كان جبان مكنش تحدى امريكا فى قلب امريكا
الرئيس لو كان دلدول كان وافق على مقابلة اوباما
لما طلب يقابله اثناء تواجده فى الامم المتحدة
وكان رده ان رئيس مصر لا يقابل اى رئيس الا بدعوة رسمية
يعنى الرئيس عمره ما كان جبان او بوشين زى ما قولت

وبالنسبة للخطاب فهو زى ما قالت مؤسسة الرئاسة فى الوقت ده
انها رسالة بروتوكولية مش خطاب
وان الرئيس وقع على 10 رسايل ترشيح سفراء جدد لأكتر من دولة فى نفس اليوم
وكل الرسايل بنفس الصيغة البروتوكوليه

يعنى كل التعليق اللى قولته ده بنيته على لا اساس
ومتكلمتش اطلاقا على النقاط الاساسية للنقاش
فين تعليقك عن الترويج للسياحة الاسرائيلية فى تليفزيون الدولة
فين تعليقك عن اعتبار حماس حركة ارهابيه وعن قتل اهلنا فى سينا
فى تعليقك عن حضور ممثل لمصر فى مؤتمر تهويد القدس
واللى اعلن فيه ان القدس عاصمة ابدية وغير مقسمة لاسرائيل

هو وصل بينا الحال فعلاً ان اى حاجة ضد الاخوان فاحنا معاها
هل وصل بينا الحال ان زى ما السيسى قال اى حاجة مترضيش ربنا احنا هندعمها
او حتى زى ما بيقولوها بتريقه ان لما المسيح الدجال يظهر
هيقول للناس انا المسيح الدجال ومكتوب بين عينى كفر
الناس تقوله لا متقولش على نفسك كده اكيد الاخوان اللى كاتبينها
هل فعلا وصل بينا الحال لكده؟؟؟
فوقوا بقى بالله عليكوا
سيبكوا من الاخوان ومن مرسى
دول مجرد فذاعه بيستخدموها عشان ينفذوا اللى هما عايزينه
عشان يلاقوا اللى بينزل يهيص ويظيط ويقول تسلم الايادى وكمل جميلك
شوفوا البلد و الدين رايحين على فين

تعرف ايه عن اللى بيحصل لاهلنا فى سينا دلوقتى؟
جربت مرة تتصل على حدمنهم وتسأله فى ايه بيحصل عندكوا ؟
بعيداً عن كلام الاعلام سحرة فرعون
بكره لما بقيت اهالى سينا يتهجروا
ولما تحالف الجيش المصرائيلى يقضى على حركة حماس
وده طبعا بعد تهويد القدس اللى بدأوه برعاية مصر
هنبقى ننزل نقولهم تسلم الايادى برضو وكملوا جميلكوا ؟