لازم أحكيلك ع الداخلية .. لازم أحكيلك ع الداخلية ..
عشره نضاف و الباقي حرامية
ساعه الثورة قلعوا الميري .
لبسوا الطرحة و الجلابية
جاي دلوقتي عاملّي شهيد
ناسي الظلم و طولة الإيد
و لّا الكوسة و الملوخية
ده منهجهم في الكلية
ضابط بنجمة عاملّي عقيد
في المدرسة كان أصله بليد و المجموع 50%
و لّا الأُمنة و الشاويشية بينقوّهم ع الفرازة
مهما هتعمل بردو غفير
ده مقامك من غير تفكير
قولّي صحيح فين الحرية ؟
و في أي مكان ودنك مرمية ؟
قاعد تتصنت على التليفون
إعقل بقى و بلاش حمورية
هو ده أصل الداخلية
|