السلام عليكم
ومساءكم عنبروجورى
عناوين ومعانى
والحلقة الرابعة:
تجولت مع أحبتى أصحاب المدونات
باحثا ومكتشفا تلك الأسرار والمعانى
لعناوين مدوناتهم
لنبحر سويا فى أنهار عذب مكنوناتهم
نرتشف رحيق زهورهم الندية المفتحة
ونبتهج بأريج عبق عطور كلماتهم الدالة
على صفاء نفوسهم وومضات قلوبهم
نتجول ربوع أمزجتهم حيث يكونوا فريحين تارة
وأخرى غيرمستقرة لنرى كيف يكون معبرا نثر أقلامهم
لقائى اليوملقاء غير تقليدى ومش عادى
طبعا علشان ضيفتى غير عادية
نعم غيرعادية
إنها صاحبة أجمل أخلاق حميدة
وأعظم تسامح ومودة تحملها للجميع
خدومة للجميع بلا أستثناء
وهى أيضا جمعت وحوت بين كل الفضائل
منها الرقى فى معاملة الأعضاء كبيرهم مع صغيرهم
وأيضا خبرة جليلة فى الإدارة وصبورة ومتحكمة فى
معاملاتها ولاتتنرفذ ولاتزعل من حد أبدا
إلا أنافقط علشان صراحة أنا بزودها حبتين يعنى
لقائى اليوم وأختى الغالية الفاضلة
((منة))
((دمعة حائرة))
السلام عليكم
وأهلا وسهلابيك مديرتنا الكبيرة
أشكرك على قبول دعوتى للبرنامج
وأرجو التكرم بالإجابة على ماسيأتى ذكره
*******************************
بشكرك على الدعوة الجميله
وفكره التوبيك عجبتنى وان شاء الله
تستمر فيها
ليه اخترت عنوان مدونتك
حائره على جسر من الذهب
عنوان المدونه كان عنوان سابق
لموضوع كنت اشتركت بيه فى مسابقه النهايه
واخدت المركز الاول
كان مضمونه ملخص لقصه حياة بالتفصيل
احترت جدا ازاى هاقدمه
ولقيت الحل انه يكون
على شكل نثرى يتضمن ابيات شعر
وكان من احب المواضيع واصعبها
بالنسبه ليا
وماهو المدلول فى معنى الاسم
العنوان كان مناسب للمضمون
وبيعبر عنه وازاى الحيرة
مهما كان حجمها والألم ممكن
الانسان يتغلب عليها بالعزيمه والأمل
ويقدر يرسم مستقبله بالشكل اللى يريحه
ويكون سبب سعادته
ووجوده اسم للمدونه
بيعبر اكتر عن تقلبات المزاج والحاله
اللى بمر بيها يوميا لقيته هايكون
مناسب اكتر حتى من الموضوع الاصلى
اختيارأكترمن مشاركة منها والتعليق عليها
ودمعه حايره جوا عيونى النعسانين
بتصحى جوا منى جرح ساكت من سنين
مابين حنين وبين أنين
وقلب بيقاسي وحزين
خليكى حايره ولاتجرحى
جفن العيون الدبلانين
-------
فى ناس دموعها ...غاليهـ
وناس دموعها على الخدين سايلهـ
وناس تلاقيها.. مكتومه مش باينهـ
أما أنا دموعى... على طول حايره
------------
أرسموا صورتى على الحيطان
لونوها بالالوان
شوهوها ,,لخبطوها
قولوا خاين أوجبان
تطلع الصورة العجيبة
حاجة أبعد من الحقيقة
وشوفوا مين اللى هايقدر
يبص فيها ولو دقيقة
--------
هاكتفى بـ3
اكتر المشاركات بتعبر عنى وقريبه لقلبى
يمكن عشان اتكتبت مباشره فى المدونه
بسهوله وبتلقائيه
ماحاولتش اخبى فيها اى احساس
وكمان معبره عن اسمى هنا وعنوان المدونه
تلك كانت دررولآلئ أختى الفاضلة منة
كل الشكرليك
مع جميل ماتفضلتى به والذى أسعدنى كثيرا
وكذلك أتمنى ان يسعد به الجميع معى
وإلى لقاء جديد مع ضيف جديد
أستودعكم من لاتضيع ودائعه
مع تحيات
أخوكم
رفعت