[Aya 7ekaya]

جوا عنيك فى 100 دمعه بتدارى فى جمالها بلمعه جواك احساس بيقول لكن هربان قلبك جوا اماكن متاهات مش عارف ليها آخر ومين مستنيك فى الآخر مش عارف اخرتها فى حزنك محتار فى مشاعرك وفى قلبك بتشك فى كل الناس حواليك ! خايف لتكون انسان موهوم وفى نومك ليه بتحلم ماتقوم لو مرة حكيت ليهم عن جرحك يمكن هتلاقى الحل فى يوم ولا اقولك خليك كده موجوع احسن لايقولوا عليك مجنون ! وانت العاقل ! و هم المجانين دى الفرحه بتكشف اوجاعك وان ضحكه عينك هتدمع اصلك موجوع ! وفى قلبك شايل من صاحبك وحبيبك وفلان وفلان رغم انك ديما انسان بتخاف على خوفهم وبتعمل لزعلهم الف حساب ليك عندى نصيحه .. واسمعها لو ممكن ارجوك عيش جواك .! واقفل على نفسك مليون باب ولا تسأل ليه الاسباب هتلاقى الذكرى معاك ساكنه فكر فيها هترتاح