مشرف مميز سابق للأقسام الرياضية
|  تحليلي بقي :d
رغم انه النتيجة في السكوربورد كبيرة وساحقة , الا انه الواقع يختلف تماما عنها
ف الحقيقة النتيجة النهائية ظلمت اتليتكو مدريد !
موسم استثنائي خرافي من النادي توجه باداء وثبات رجولي في المباراه وكان قريب من اللقب فعلا
رغم كل شيئ كل التحية والتقدير لفريق اتليتكو مدريد و لدييغو سيميوني ,,
,, بداية المباراه خطأ مكرر من دييغو سيموني هو الاسوء في مسيرته الموسم دا لكنه بكل تأكيد ميقللش من انه مدرب صنع ما يقرب من اعجاز , الدفع بلاعب مصاب من بداية المباراه وهو دييغو كوستا زي ما عمل في مباراه البارسا كان غير محسوب وغير موفق منه ابدا , واتكرر نفس اللي حصل بالظبط وخروج منه في اول 10 دقايق من المباراه ! مكنش المفروض يتم الدفع بيه من الاساس وخسر النادي تغيير مهم في مباراه زي دي وفي اول الدقائق ,, ,, علي جانب الريال كان في خطأ كذلك في تشكيل الفريق الدفع بلاعب راجع من اصابه وملعبش بقاله اكثر من 6 شهور ؟!
غريبة وغير موفقه جدا من انشيلوتي وكان الافضل الدفع يا بايسكو من البداية يااما ايراميندي لانهم اجهز فنيا وبدنيا , التغييره دي افقدت الريال سيطرته علي نص الملعب ف الشوط الاول ,, تفوق لاتليتكو في نص الملعب في الشوط وانقضاض علي كل الكور المشتركة بسالة وفدائية كبيرة من اللاعبين اتعودنا عليها ,, خنقو المساحات في المباراه وسيروها زي ما عاوزين بالظبط ,,
الفريق كله عارف دوره كويس وعارف المطلوب منه ايه وبينفذه بجودة ,, كان في فرص لريال مدريد كان المفروض تترجم لاهداف بالاخص كورة بايل العجيبة جدا ازاي مسجلهاش جون ,, بعدها خطف جول مكرر كذلك من نفس الكرات الثابته ومن نفس صاحب هدف الدوري لاتليتكو ,, بعد الجون كان في تراجع لكنه تراجع مقنن ومحسوب من اتليتكو الريال مسك كورة اكثر وكان اخطر مقابل قتال وحماس شديد من لاعبي اتليتكو وتتضيق مساحات وضغط عالي وفدائية في افتكاك الكرات , الشوط الثاني دخل الريال بشكل مختلف لوجود اثنين ممري كرات بدال 1 ,
ودي النقطة اللي كنت بقول انه غلط من انشلوتي من البداية وجود خضيرة كان افضل في الملعب واكثر خطورة علي المرمي وحاول في العديد من المرات من غير كلل او ملل او يأس وكان عندهم الرغبه ,,
لا بديل عن تعديل النتيجة مهما كانت الطريقة , كان ضغط شديد ,,
واتكلل مجهودهم بهدف تاريخي قاتل !
اذا كان للبطولة عنوان في الريال فهو سيرجيو راموس بلا منازع  المنقذ هذا الموسم في دوري الابطال وهدف هو كل الحكاية والرواية الميرنغيه ! اقدر اقول سيميوني واتليتكو مدريد ربحوا المباراه المعركة قصاد الريال لكنهم خسروا المعركة امام راموس فقط !! هدف قاتل في وقت قاتل من لاعب اقرب لمهاجم منه لمدافع !! هدف اللي كنت مستنيه الحقيقة والغريبة اني قبل ما الكورنر يتلعب كنت بقول يلا يا راموس بتاعتك دي ! مخذلش جمهوره و كان قد الموعد ,,
الهدف دا نهي المباراه نفسيا تماما وكنت متاكد انه البطولة للريال لانه نفسيا صعب تقبل الامر وانت في نفسك بتعد اللحظات علشان التتويج ! ما بعد الهدف لا يذكر ولا يحسب
كانت معركة نفسية وبدنيه بين الفريقين مفيش فيها اي تكتيكات ,, الريال اكثر جاهزيه بدنيا واتليتكو بذل كل الجهد في المباراه الاساسية ,, والريال اكثر حماس ورغبه بعد الهدف واتليتكو محبط !
,, شعله النشاط ونجم الريال في المباراه دي ماريا بيهرب من اثنين لاعبين ويسدد
وجاريث بايل في المعاد المناسب بيحرز هدف البطولة ,, كان نفسي المباراه تنتهي في اللحظه دي وبالنتيجة دي ,, لانه الباقي كان قاسي :/ اتليتكو فقد الامل تماما بعد الجون وعاش في الضياع ! جونين كمان للريال علشان تبقي نتيجة ظالمة ومجحفه لاتليتكو ولجهودهم ,,
الريال بطل اوروبا للمرة العاشرة في تاريخة
انتهت الحكاية ,,
,, سيموني هو سبشيال ون هذا العام بلا منازع كل التحية والتقدير ,,
ترفع القبعات لموسم استثنائي للاتليتك ,,
مش مطلوب منهم اكثر من اللي عملوه واللي هو في ذاته انجاز كبير
مبرووك للريال اللقب العاشر وعودته لمنصه التتويج الاوربية
|