اللهم إنى صائم ..( رقم 1) السلام عليكم
وكل سنة وانتم طيبين
وتقبل الله منكم الصيام والقيام
ورمضان كريم
طبعا شهرمبارك والكل بيسامح فيه
وينسى الخصومات والخناقات والمشاكل
وينسى الماضى وجراحه ويبدأ بصفحة جديدة
مع ربناسبحانه ومع كل أحبابه
شهرفيه الخيرات والبركات
والكل بيقى كريم ومجواد
والكل بيعزم الكل وخاصة الاحباب والقرايب
مش كده ولاايه
وبمناسبة الكرم والجود والتاسمح والعزومات
ماما ربنايطول فى عمرها قولوا آمين
ألو ألو ألو
أيوه ياماما خيران شاءالله
شغلتينى
من شوية كنت بكلمك حصل حاجة لاسمح الله
لا ياابنى حصل خير
طيب الحمدلله
شوف يارفعت اناقررت أنك تجيب المزغودة على عينها
وتيجى تفطرعندى
ياماما ده اول يوم فى رمضان وكل سنة وانت طيبة
خليها بعدين بئا
اسمع هى كلمة قرار ولايمكن اتانزل عنه
غصب عنك انت وهى هتيجو يعنى هتيجوا
صراحة بينى وبينكم
اناسمعت قاراروغصب عنكم وقبيلهم كلمة المزغودة
خوفت ولعب فى عبى الفار
قولت خلاص ياماما حاضر
يلا ياام حماده نروح نفطر عند ماما
لأ لا يمكن
انامحتفلة باول يوم
وعامخلة الاكلة اللى بحبها
ومش هنتازل عنها
ايه حكاية مش هتنازل انهرده دى
الله يخرب بيتكم
وطبعا هبقى اقولكم عن الاكلة اللى بتحبها بعدين
المهم مااطولش عليكم
اخدها وفطرنا والحمدلله
ومراتى ومن غيرنفس قالت شكرا ياحماتى
ربنايبارك فيك وكل سنة وانت طيبة
رددت وقالت الوالدة آه ياأختى
وأنت طيبة على الله يتمرفيك
وهات ياكلمات عتاب وكل وحدة افتكرت للتانية كل كلمة وحشها قالتها زمان
ووصلت لدرجة خطيرة من النقاش والخصام
زعقت وقولت
اللهم إنى صائم
********************
أشوفكم بخير
أستنونى الحلقة الجاية
رفعت
التعديل الأخير تم بواسطة العاشق الذى لم يتب ; 06-29-2014 الساعة 03:12 PM |