[سنابل مجروحة]

السلام عليكم ورحمة الله وبركاته:

الموضوع مناسب جدا و اجا في وقتو

بس ماراح عقب ع الصور الرمزية -_- لانو هيك عنصرية ضد البنات

خلينا نحكي بصفة عامة يعني مثلا التواقيع الي تتغير من اغاني الى اناشيد

طيب هو شي حلو انو نتغير للاحسن و هذا من فضل ربنا علينا

بس الي مو حلو انو احنا بهاذ التصرف عم نشير لفكرة كتير سيئة و الي هي

احنا ما بدنا نجمع ذنوب في رمضان و هو لذنوب خوف من مين مو من الله؟ و طيب هو الله مو موود بباقي الشهور؟

هو بجد محزن حال المنتديات لما تصير تتعامل مع رمضان بطريقة خاصة كأنو احنا بنعبد الشهر مو خالق الاشهر

و الفكرة اكيد مش وحشة انو نحن نساوي هيك احتراما و تعظيما للشهر المبارك بس مالازم نكون منافقين

الاصلاح ما بيكون بشهر رمضان و لا بشهر شعبان

اذا بدك يوفقك الله لرمضان معناها بلش من باقي الشهور

المفروض الانسان يراقب حالو كل ايام السنة لانو الرب واحد و الحساب واحد

و رغم انو شغلة المنتديات من صور رمزية و تواقيع هي امور شخصية ما حدا الو حق يتدخل فيها

الا انو لما تصير الفكرة عامة . لما الكل يتغير مشان الشهر المبارك هون نحط علامة استفهام

و لو اني بدي آخذ كل جوانب الموضوع فمثلا رح اطلع براة المنتديات للواقع الي عم بنعيشو

بحياتي ما لقيت حدا بيسمع موسيقى و غناء في رمضان بتعرف ليش؟ لانو هذول يلي بيسمعوها قبل

رمضان بيعرفوا كتير منيح انو هي حرام و الصوم مو بس صوم عن اكل وشرب بل صوم عن كل ما حرمه الله

انا من جهة بوجه تحية لهذي الفئة الي تغييرها بس مع رمضان لانو على الاقل احترموا حرمة الشهر

و احنا ماندري بلكي الله بيثبتهم بعد رمضان و ما يصيرو يحطوا صور بنات من غير طرحة و لا تواقيع موسيقية

و الله وحتى نوعية المواضيع تتغير برمضان بصراحه احنا كمسلمين المظاهر يلي عم نشوفها برمضان لازم

نشوفها بكل السنة

السلف الصالحين كانوا يعيشوا كل شهر على اكمل وجه مشان الله يثبتهم برمضان كانوا ييعملوا بهمة عالية

من اجله لانهم بيعرفوا الخير الي رح يجنوه من رمضان

رمضان ما يبلش من رؤية الهلال بس رمضان حصاد و يا ترى يلي ما زرع و ما حرث و ما سقى شو بدو يحصد؟

اعجبني كتير موضوعك يا نور و اكيد الحكي فيه ما بيخلص