وبحب البنت اللي بتضحك ..
اكتر م البنت الكشريه
وبحب البنت المتفائله
اكتر م البنت النكديه
وبحب البنت العنديه
اللي بتعرف امتي تعافر
ورقيقه وهاديه وبسكوته
بس ان حكمت .. ليها ضوافر
وبتؤمن بالحلم بتاعها
وبتمسك فيه اوي وتتبت
واللي بياخد حقها منها
بتجيبه وتالت ومتلت
وبحب الواحده تكون واثقه
من نفسها قدام الدنيا
وتقيله ومتجيش بالنظره
ولا ينفع تتشد ف ثانيه
وبتقدر لو حبت .. تعشق
وبتقدر لو فارقت .. تنسي
وبتعرف امتي تكون راجل
وبتعرف امتي تكون أنثي !
"مينا مجدي"
|