[قلم بلا حبر]

اقتباس المشاركة الأصلية كتبت بواسطة silver spectra كلامك منطقي يا سيد طيب... شوف بقى ممكن الفكر يختلف عن المفكر؟ ممكن ممكن الشخص يدعوا لفكر معين...لكن واقع حياته معاكسة لفكره مثلا واحد فكره إشتراكي و لكنه راس مالية!! هنا الفكر إختلف عن المفكر واحد فكره إصلاحي و لكن واقعه فسادي!! يعني مش شرط إن فكري إلي بكتبه هو أنا شخصيا الفكر زي واحد بيرسم نفسه مهما حاول يرسم عمر ما رسمته هتطابق صورته الاصلية و إن كان في تشابه بين الفكر و المفكر أحيانا الظروف هي إلي بتحول دون تطابق الفكر و المفكر و أكيد كل واحد له فكره و توجهاته إلي بتبان من كتاباته و بيتأثر من بيئته و واقع حياته يعني واحد حاسس بضيق من مجتمعه هتلاقي أغلب مواضيعه كلها محبطه و فيها يؤس واحد تاني متعقد من حياته الإجتماعية هتظهر فيه علامات الإحباط من واقعه لكن دا مش شرط أحيانا بيظهر بمظهر الإنسان المثالي في كتاباته و هو في الواقع فاشل إجتماعيا مثلا هنا بتلاقي إختلاف بين الفكر و المفكر لو كنت غير موفق في إختيار المثالين السابقين شوف يا سيد في اي موضوع ...لازم هتلاقي شخصية الكاتب ظاهره مثلا لو جينا للدين الموضوع بتاعك لم يمس الدين لكن تكفي المقدمة ..بسم الله الرحمن الرحيم إذا فديانتك ظهرت لا محاله و دا يثبت إن الفكر مهما كان بيكون مرتبط بالمفكر لكن الإختلاف بيكون في اسلوب ظهور الفكر و دا آخر تعديل لجزئية الإرتباط مثال أخير... إنت كان رايك فيه في الاول إيه؟ طارق متحرر و هوليود :vb19: و آخر كلام بيني و بينك كنت بتقولي إيه!!! وقلتلك برده ان فى فكر صاحبه ممكن يتأثر بما حوله من أفكار وده اللى حصل معاك يا طروق زي ما بقولك الظروف هي إلي بتحول دايما بين الفكر و المفكر لكن الإرتباط موجود بس الرابطه مش فلزية زي ما بيقولوا بتوع الكيمياء طيب لو قولنا المفروض نقاشي بيكون مع الفكر و لا المفكر؟ أنا شخصيا أحب أمزج بين الإتنين.... لأن الفكر ممكن يكون مثالي بزياده فهروح أناقش المفكر عشان نخلي فكره اقرب للواقع لكن الميول لمناقشة الفكر المفروض بتكون أكثر من المفكر ألف شكر يا سيد باشا على الموضوع

شوف يا طروق ,, العلماء اللى سبقونا واللى كانوا بيجمعوا بين العلم المادى والروحى اللى هو الدينى قسموا العلماء لــ

1- عالم عامل معلم ,,, وده افضلهم ,, وهو انسان لديه كم من الثقافه والعلوم يعمل بها ويعلمها كما انه يعمل بما لديه من علوم

2- عالم عامل غير معلم ,,, وده اقل من سابقه لانه كاتم للعلم لكنه عامل به فثوابه العمل بما لديه من علوم والثواب ايضا لتحصيل العلم

3- عالم غير عامل معلم ,,, ثوابه فى تحصيله للعلم ,, ومحاولة توصيله لمن حوله ,, وله ثواب على هذا وذاك الا ان العمل به يجازى عليه من خالقه ولسنا لنا اى حق فى مجازاته على هذا

4- عالم غير عامل غير معلم ,, وهذا اكتفى بتحصيله للعلم لكن لم يعمل به ولم يوصله لمن حوله فثوابه فقط يكون لتحصيله العلم

والآدله على ما سبق ذكره تكمن فى

اولا الثواب على تحصيل العلم ,,,

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ( طَلَبُ الْعِلْمِ فَرِيضَةٌ عَلَى كُلِّ مُسْلِمٍ ) ( 220 ) وصححه الألباني في صحيح سنن ابن ماجة

ثانيا : الحث على عدم كتم العلم

يقول صلى الله عليه وسلم : (من سئل عن علم يعلمه فكتمه ألجم بلجام من نار)

ثالثا : الحث على العمل بالعلم

يقول الرسول صلى الله عليه وسلم (( من عمل بما يعلم ورثه الله تعالى علم ما لم يعلم ))

الجزئيه السابقه تعتبر مكمله للموضوع ولكنها فى السياق الدينى ,, فالموضوع انتهجت فيه الرأى المجرد ,,

اما ما ذكر هنا هو المكمل الشرعى له ,,

اذن فلا حاجة لنا بما يعمل به العالم فهذا بينه وبين ربه وليس لنا عليه الا ان يلقى علينا ما لديه

واذا كان الموضوع عن المفكر فهو لايخرج العالم ,, بل كل صاحب فكره هو عالم بها واذا طرحها علينا فلا فائدة من ان نتابع سيرته وحياته الخاصه

اظن كده المسأله وضحت قوى يا طروق ,,, والمفروض بعد كده تناقش فكر وتبعد عن المفكر ,, لانك لما بتقرأ لنجيب محفوظ او احسان عبد القدوس مبتعرفشى هو لما كان بييجى ينام بيعمل ايه ,, ده شئ خاص بيه

اللى لنا ابداعه الادبى

شكرا على المشاركه المميزه يا طروق

بالتوفيق

تحيااااااااااااااااااااااااتى""""""""""