[عاشق متيم]

اقتباس ماذا تقترح و تريد اضافته او حذفه من قوانين القسم او لقاعه الصفحات ؟ اريد اضافه بند كتابه الايات القرآنيه بالتشكيل زى ما هى موجوده فى المصحف ؛ ولما تذكر حديث تقول رواته

ده كان اقتراحى منذ 8 اشهر فى
http://forums.banatmisr.com/msryat447383/
وسبب الاقتراح ده انى كنت بتابع قسم الصفحات وكنت بشوف فيه حاجات غريبه
من ( احاديث ضعيفه وروايات مكذوبه وايات قرآنيه مكنوبه غلط بالاضافه الى توظيف الايات )
المفروض الشرط ده يطبق فى المنتدى ككل ؛ الواحد لما بيشوف حاجة غلط بيصحح فى تقييم
بس بذعل ان فى ايه مكتوبه غلط او حديث والاعضاء اعطوا لايك
===========
انا مش بتابع فى المنتدى ككل الا خمس مدونات والباقى مش بدخله خالص الا نادرا ً ؛
دخلت مدونه بالصدفه من شويه ولقيت مشاركه من كم يوم وفيها آيتان قرآنيتان وهناك دمج للايتين فى ايه واحدة ومكتوبه غلط و 12 عضو اعطوا لايك للمشاركه دى !!!!!!!!!
هاتان الايتان مش شرط انك تكون حافظ القرآن علشان تصححهم
وليه مش تكون حافظ القرآن ؟؟؟؟
بس دى حاجة انا اتعودت انى اشوفها فى المنتدى ؛ توبيك فى الاقلام فيه حديث ضعيف
وواخد يجى 13 لايك وزيه فى اليوميات والآيه مكتوبه غلط وواخد 16 لايك ومحدش بيصحح
لان محدش يعرف !!!!
لو كل واحد من المسلمين خصص من وقته كل يوم ساعتين ( ساعه ونصف يحفظ فيهم قرآن ونصف ساعه
يحفظ حديث وشرحه ) هيبقى زى الفل بس للاسف احنا
مش بنعرف نستغل وقت الفراغ فى حاجة مفيده .
بدليل ان المصريين جهلاء بالدين ويقولك شعب متدين !!!
اسأل اى حد حافظ كم جزء وكم حديث ؟ ( مش هيجاوب )
اسأل اى حد تعرف تقول ليا اسماء زوجات النبى ؟؟؟
( هيروح يبحث فى جوجل )
اسأل اى حد على بنود صلح الحديبيه ؟ ( مش هيعرف )
لكن لو سألته عن مسلسل هندى والا تركى هيجاوب فى ثوانى
من اسبوعين تقريبا شيخنا الحوينى ظهر على قناه الندى ليرد على بعض الشبهات
فعملوا تقرير من هو البخارى ؟؟؟( محدش جاوب صح الا قليل والباقى كله عك وحاجات غريبه )
ومنذ اسبوع تقريبا كان فى فتوى لياسر برهامى حول جواز معاشرة الزوجه المستحاضه ؛ ( ياسر برهامى له اخطاء صعبه فى كتبه وخاصه انها كتب عقيدة وحتى اخطأ فى حق ابن باز وغيره فى كتاب له ( فقه الخلاف ) وشرح حديث على مزاجة بس مش وقت الكلام فى الحكايه دى )
فتوى ياسر برهامى كانت صحيحة مليون فى المائه وده رأى الجمهور تشوف
ردود زوار اليوم السابع تعرف اد ايه احنا شعب جاهل ولا نعرف حاجة فى الدين
والناس اللى خلطت بين الحيض والاستحاضه ؛ ما انتوا لو كنتوا حافظين احاديث او قرأت كان هيبقى الموضوع عادى ( معقوله محدش قرأ كتاب الحيض عند البخارى
فى باب ( اذا رأت المستحاضه الطهر ( قال ابن عباس تغتسل وتصلي ولو ساعة ويأتيها زوجها إذا صلت الصلاة أعظم ) او كتاب الحيض عند مسلم باب المستحاضه وغسلها وصلاتها وحديث
أن فاطمة بنت أبي حبيش رضي الله عنها قالت : يا رسول الله ، إني امرأة أستحاض فلا أطهر أفأدع الصلاة؟ فقال : لا إنما ذلك عرق وليس بالحيضة ، فإذا أقبلت الحيضة فدعي الصلاة ، وإذا أدبرت فاغسلي عنك الدم وصلي ) والحديث موجود عند البخارى فى باب الاستحاضه وعند ابى داود فى باب ( من روى ان الحيضه اذا ادبرت لا تدع الصلاه ) وشرح الامام النووى وقال ( فاعلم أن المستحاضة لها حكم الطاهرات في معظم الأحكام فيجوز لزوجها وطؤها في حال جريان الدم ، عندنا وعند جمهور العلماء ) او كتاب الطهاره عند ابى داود باب المستحاضه يغشاها زوجها ) فيه حديثين الحديث الاول ( عن عكرمة قال كانت أم حبيبة تستحاض فكان زوجها يغشاها )
والثانى رواه ابوداود والبيهقى وغيرهم باسناد حسن ( عن عكرمة عن حمنة بنت جحش أنها كانت مستحاضة وكان زوجها يجامعها )
ومع العلم ان حمنه كتنت تحت طلحة وام حبيبه كانت تحت عبدالرحمن بن عوف ؛
وفى رأى للسيده عائشه ان المستحاضه لا يغشاها زوجها والامام احمد قال لا يأتيها الا ان يخاف ان تطول المدة وفى روايه الا ان يخاف زوجها العنت ؛
بس رأى الجمهور هو اللى صح والادله فيه واضحه ؛ لكن انا كعاشق متيم مع رأى السيدة عائشه ....
فتلاقى الناس بتشتم ياسر برهامى وتستشهد بالايه ( ويسألونك عن المحيض قل هو أذى فاعتزلوا النساء في المحيض ولا تقربوهن حتى يطهرن فإذا تطهرن فأتوهن من حيث أمركم الله إن الله يحب التوابين ويحب المتطهرين )
فتعرف ان الناس مش فاهمه الفرق بين الحيض والاستحاضه ؟
روى ابى داود فى كتاب الطهاره باب ( من قال توضأ لكل صلاه )
عن فاطمة بنت أبي حبيش أنها كانت تستحاض فقال لها النبي صلى الله عليه وسلم إذا كان دم الحيض فإنه دم أسود يعرف فإذا كان ذلك فأمسكي عن الصلاة فإذا كان الآخر فتوضئي وصلي )
وفى الموسوعة الفقهية ******************ية: لون دم الحيض أسود ثخين منتن له رائحة كريهة غالبا، بينما لون دم الاستحاضة أحمر رقيق لا رائحة له.
======
من يومين شوبير بيتكلم عن ابوتريكه وبينتقده ويقول النبى كان له جار يهودى كان بيتبول على بابه وفجأة تعب فالنبى زاره فاليهودى أسلم ؟؟؟
وده أيضا جهل لان النبى لم يكن له جار يهودى والا كان بيتبول والا يلقى القمامه او حتى بيعمل بيبى امام باب النبى ؟؟ والقصه لا وجود لها ؛ لكن معروف الغلام اللى كان بيخدم النبى ؛ روى احمد وابو داود والبخاري في صحيحه : عن أنس : أن غلاما يهوديا كان يضع للنبي صلى الله عليه وسلم وضوءه ويناوله نعليه فمرض فاتاه النبي صلى الله عليه وسلم فدخل عليه وأبوه قاعد عند رأسه فقال له النبي صلى الله عليه وسلم يا فلان قل لا إله الا الله فنظر إلى أبيه فسكت أبوه فأعاد عليه النبي صلى الله عليه وسلم فنظر إلى أبيه فقال أبوه أطع أبا القاسم فقال الغلام أشهد ان لا إله الا الله وانك رسول الله فخرج النبي صلى الله عليه وسلم وهو يقول الحمد لله الذي أخرجه بي من النار ....