سلام ربي علي الدنيا
وع الصحبه وع الايام
واول بنت حبيتها
وضاعت مننا الاحلام
سلامي لامي ولابويا
سلامي لاختي ولاخويا
سلامي لاهلي وجيراني
سلامي ليكم والف سلام
وسلامي كمان لناس تانيه
سابونا وضاعوا مننا قوام
سلامي لكل اصحابي
سلامي لدفعتي ف الجيش
سلامي لناس واحبابي
وع اللي صانوا لقمه عيش
سلامي لقهري وعذابي
سلام للفرحه اللي مبتجيش
واخص بالسلام بالذات
اخوات كانوا اكتر من اللي اخوات
عشان الناس دي شالوا حاجات
وحلفوا العشره بيننا تعيش
|