منذ /09-13-2014, 10:36 PM
|
#1 |
| مفيش اجمل من حب الله
زى النجمه الا فى السما
تقدر تلمسها!!!
زى القمر مابين الغيم
تقدر تلمسه !!!
حاجات بجد بعيده عنا
ومستحيل فى مره نوصل
مهما روحنا ومهما وجينا
عشان نوصل مش هيحصل
زى النسمه مابين غصون
ترنيمه وعزف بصوت حنون
يردد فيها الشجر الصدى
والورود صابها الجنون !!
شوفت الموجه مابين بحورها
شوفت الشمس بوقت غروب
احساس جميل عايز تحضنها
وعقلك بيقول منطق مرفوض
طب شوفت مره فيها سحاب
والشمس بأحلى تدرجات
حضنين بعض وبيغنوا
أنشوده فى حب الرحمن
دا مفيش أجمل من كدا حب
لا جرح فيه ولا انين
ولا حتى دموع نزله ع الخد
ولا حزن وحسره عاشقين
جربت تقول مفيش حب
غير حب الله وبس
هتلاقى بجد جمال للحب
معانى واحساس يتحس
هتلاقى عيون صحيح سهرانه
بس سهرها جمال وحسن
فين الالم فى حب الخالق
دا ولا حتى فيه سوء ظن
عارف حزنك قبل ما تنطق
سامع منك همسه نبضك
بيحبك وعشان حبك
أداك عقل وكمان قلب
بالذمه فيه كدا حب
فكر مره والف مره
الحب لغير الله سراب
دا لو شاء ربى الحب ينطق
هيقول لك الله الله
النجم مش بعيد ولا القمر
خلقهم حب فيك والبشر
مش بعاد عليك وهتقدر توصل
بس بأيمان شديد وديما اعرف
لم تحب الخالق من روحك
قبل قلبك
هتحس الدنيا ولا حاجه جنبك
هتحس ان النجوم ملك ايديك
والقمر سهران يملى عينك
والسحب امرها بأشاره ايديك
ودا لما الخالق يرضى عليك
أعقل فوق من اى هوس
ومين ماكان تقدر تنساه
حب البشر زائف وفانى
ومفيش اجمل من حب الله |
|
| |