حـــــــــد يكلمـــــــــه حــــــد يقــولـه حاجـــــــة حـــــــــد يكلمـــــــه
تلميـذ شاطـر أول ما اتكبر اتكبر عاللي معلمـه
علـــى إيـــدي أنــــا ربيتــــــه وكبرتــــــــه
ولا عمري راجعته ف عمري اللي خسرته
ضحكتله الدنيا وفهمها ونسي اللي ياما سهر يفهمه
حـــد يقولــه إني كبرت وعايزه يبقالي سند
هي الدنيا يومين مش هيهتم فيـــا للأبــــد
لو ع الرجــولة علمتهالـه وهـو لسه ولـــــد
واتعلمها عليا بقى بيقولي إني لما ربيته كنت بظلمــه
ع الأخــلاق ربيتــه لمــا كــــان صغيـــــر
ولمــا كبــر قــدر ينسـى تربيتي ويتغيـر
يشرب يحشش يرجع مسطول وينفضلي لمـــا بكلمـــــــه
مطوتــــه رفعهـــا عليــــا وأنـــا أبـــــــوه
بيرفع صوته عليا لو شافني بكلم أخـوه
علمته الإحترام ولقيتـه مجـــــرم مشبوه
غلـط كتيـر ف حقـي خلا الحياة ف نظري اسـوأ حلـم بحلمـــــه
كنـــت عكـــــازي وخــلاص اتكســر عكــــازي
كنــت تلميــــذي وبقيـــت دلوقــــت أستـاذي
فيــك الخيــر يــا ابنــي عرفـت تـرد وتجــــازي
رد الجميـل قسـوة ظلـم علـى أب ذنبـه إنه اتعلم اللي انتا رفضت تتعلمه
حــــــد يكلمــــه أنـــا كلمتــــه كتيـــــــر
حــد يقولـه إني تعبان منه ووضعي خطير
لو رافضني أكون أبوه يعتبرني راجل كبيـر
قولولـــه يعطــف عليـــــا ويرحمنـــــي عشــان ربنــا يسامحــــــه ويرحمــــه
من واقع حياتنا الأليم
شـــــــــــــــــــــــــــــــــــــــــ . حـــــــــــــــــــــــــــــــــــــــــــــــــ
|