[DR.SMA]

لا حلوه اوي )


الموضوع وما فيه بصراحة
ان انا نفسي ف حبة راحة
الواحد لو كان له فيشة
كان شالها وريحله شويه
دي التلاجة ساعات لو تتعب
بتسخن ف أزايز الميه
والواحد له خُلق وطاقة
المفروض على كل بطاقة
يكتبوا " مغلق للتحسين "
أو يدولك فرصة تقرر
تبقى حياتك ماشية بــ مين
انا فعلاً مش عايز اتكلم
عايز افضفض ليا معايا
انا مش عاوز حتى اسلّم
انا فعلاً مليت وكفاية
انا من كتر ما ضاغط نفسي
روحي هتتفجّر جوايا
شوف يامعلم
أنت كمان محتاج يوم راحة
من غير رغي وناس وجراحة
أنت كمان محتاج تتصلح
من دنيا بتحسبها ورانا
انت كمان محتاج لصيانة
فانا لما ازهق واطلب هدنة
مابقاش يعني بغيري كفرت
كل الموضوع ان انا شايط
وبامُر بفترة restart .