منتديات بنات مصر - عرض مشاركة واحدة

აα∂ Ԑγεა · منذ /09-22-2014, 10:15 AM

اقتباس

المشاركة الأصلية كتبت بواسطة Loulii


	السلام عليكم انا عندي مشكلة علي الفيس ومش عارفة اعمل ايه بالله عليكم تفيدوني الفيس بتاعي كل اما افتحه يقولي تم تغيير الباسوور بتاعك وانا مغيرتش حاجة هو كده يبقي اتسرق صح ؟؟ وكمان المشكلة الاكبر اني مش فاكرة باسوورد الايميل والمشكلة الاخطر اني كنت مأكدة حسابي برقم الموبايل بتاعي بس الموبايل بتاعي اتسرق من زمان انا مش عارفة اعمل ايه بالله عليكم افيدوني

دا ايه كل دا عايزة تسدديها من كل الاتجاهات !
عالعموم ليها حل باذن الله
الاول عايزك تاخدي اسم اليوز بتاعك كوبي
الاسم دا بيكون موجود فوق اما تفتحي الصفحة

بعدين
ادخلي علي الرابط دا
https://www.facebook.com/hacked

وتختاري اللي معلملك عليه دا

وبعدين تكتبي اسم اليوزر اللي اخدناه كوبي فوق دا

وتدوسي بحث
ممكن تظهر قدامك صفحة بتقولك انه هذا الاكونت تم تغييره مؤخرا
وساعتها اختاري انه دا هو اكونتك
ف حالتي انا علشان الاكونت بتاعي سليم ومحدش غير حاجة فيه
مظهرتش الصفحة اللي بتكلم عليها دي
المهم
بعدها هتفتح معاكي الصفحة دي

اكتبي اخر الباسورد بتاعك اللي متعودة تدخلي بيه وهيفتح معاكي
وهيطلب منك تأمين الاكونت بتاعك
اختاري باسورد من اول وجديد وخليه مميز علشان محدش يسرقه منك
بعد كده هقولك انه لو حد عارف باسورد الايميل بتاعك ممكن يسرقك من جديد
تدوسي متابعه

وهيجيبلك اي تغيريات تمت علي الاكونت بتاعت في اخر فترة
وتقدري ترجعيها من الاول وجديد
بعدها هيطلب منك سؤال امان علشان محدش يقدر يخترقك من الاول
تختاري سؤال امان
وبس كده انتهي الاكونت رجعلك تاني

ونصيحة اعملي ايميل جديد وغيريه بالقديم في الفيسبوك
وسجلي رقم تليفونك الجديد في الامان بدال القديم
علشان الامر ميتكررش تاني ,,

اتمني اكون افدتك ومعلش في اخر جزئية مقدرتش اكمل بصور
لانه الاكونت بتاعي مفهوش حاجة ومش حابب اغير حاجة فيه

ابقي قوليلي نفعت معاكي و لا