منذ /10-30-2014, 12:25 AM
|
#1153 |
مشرفة بقلم الأعضاء سابقا
| خرجت أمبارح و كنت قاصده امشي كتير
روحت الحسين ولفيت هناك كتير
ورجعت أعدت على كافيه في اخر الغورية كده بحبه آوي
هو بين الحسين والغوريه اسمه حاجه خاتون واتغديت هناك او اتعشيت كنا بالليل
وبعدها روحت ستي ستارز كانت الساعة 10 و ربع وكانت حفله السينما بدأت خلاص
حجزنا في حفله الساعة 1 وأعدنا نلف لحد ميعاد الحفله
ودخلنا فيلم الجزيرة 2
الفيلم جميل بشكل رهييييييييييييب ملوش حل
في شويه كوميديا تحفه برغم الجد الي في قصته مبطلتش ضحك
وخرجت الساعة 4 من هناك كملت لف مشيت في الشارع كتير
لحد ما احمد قالي أنا مش قادر امشي ولا خطوه وركبنا تاكسي لحد البيت في الاخر
الفكرة أني روحت الأماكن دي كتير قبل كده و مع ذلك كنت بحاول احس أني اول مره ادخلها
كنت بعاند نفسي في المشي الكتير
مكنتش عايزه اروح البيت
أنا أمبارح مكنتش بتفسح
أنا أمبارح كنت بهرب من اي حاجه أفكر فيها
حتى أني افتكر ذكريات الأماكن
أمبارح كنت بحاول اتعب لدرجه أني أنسى كل حاجه
بس بردو بفتكر و مش ينسى
بس نسبيا أنا لما غيرت مكان و شميت نفس ارتحت شويه
هكون أحسن في وقت من الأوقات
أنا عارفه
التعديل الأخير تم بواسطة DR.SMA ; 10-30-2014 الساعة 12:56 AM |
| |