[احساسى صحيح]

ناس كتير بتتكلم من غير ما تكون سمعت الحيثيات اللى قالها القاضى
وذلك قبلل النطق بالحكم
القاضى بقى ما يقارب سبعين دقيقه بيتكلم ويفصل اوراق القضيه
ولكن الاهم من ده كله إللى قاله خارج سياق الحكم نفسه
اننا نترك مبارك لربنا هو اللى هياحسبه
وانه مش كان مفروض انه يتقدم للمحاكمه من الاساس
يعنى حتى تعدى على حق التقاضى الطبيعى الممنوح لاى شخص حسب الدستور والقانون
وكمان خرج عن اى سياق للقضيه واشتغل مصلح إجتماعى
وطالب الناس تنسى وتشتغل وكمان اتكلم على المفروض يقوله الاعلام للناس
وكيفية عرض القضيه على الناس وسردها حسب طريقته هو
وليس حسب الاثباتات او ما حدث فى يناير وظاهر لاى بنى ادم طبيعى

كل ده ونسى انه قبل كل الكلام ده قاضى يحكم فى قضيه
وليس له دخل فى توجه الناس او رغباتهم وان القانون هو الحكم وليس القص واللزق اللى عمله
هو نفسه قال ان عدد الشهداء يقترب من الـ 300 انسان رغم انهم يتعدوا هذا الرقم اربع اضعاف
ولكن هو نفسه اعترف انه كان هناك شهداء
ومن ضمن الاوراق اللى عرضها عمرو اديب
الصادره من القاضى الرشيدى نفسه شهادة المصابين فى احداث يناير
على ان من اصابهم هم الشرطه وهى شهادات موثقه من مصابين فى الثوره
ولن اتحدث عن الفيديوهات التى اظهرت عربات الشرطه التى دهست الثوار
او قناص العيون الذى له فيديو واضح والكثير جدا من الاثباتات

إللى بيقول ان القاضى بيحكم بالاوراق شخص جاهل
لأن الاوراق بها الكثير من الادانات بدليل ان القاضى السابق حكم عليه بالمؤبد
ولكن المسرحيه التى استمتعت لها اليوم كانت تحكى فقط للجهلاء او الاطفال او المعاقين ذهنيا

اهم حاجه انى لما اجى اشوف اراء بعض الفلول والمغيبين افضل اضحك
ربنا يشفى القلوب قبل العقول
وبكرا تشوفوا مصر ..