[العاشق الذى لم يتب]

قبحك الله أيهاالغراب ينتقم منك الجبار غراب بيكدب على اليمامة بسواد لونه جاء يعرج الغراب يقفز مرة ويحجل مرة فى الخراب يحزق يتحنجل تقول أبو الأنساب يتمسكن يغيرصوته وكأنه رباب كلام معسول ويمين غموس زى التراب وضحكة صفرة ونية ذئاب يحكى ويقول انا الخريج زينة الشباب أنا صادق فى مشاعرى ويشهد رب الأرباب ولاعمرى غيرك حبيت ولاكنت كداب أنت الأولى فى حياتى وأنت كل الأحباب وصدقينى أول مرة أحس فى قلبى نار لهاب وبجد أنت حلوة وصوتك خلى وجدانى سراب والله ياحبيبة حبيتك وعشقتك من غير أسباب وأسمحيلى أقولك أنا وأمى جايين خطاب تفرح وتغنى اليمامة وتقول تعالى مفتوح الباب وتفضل سهرانة فرحانة فاتحة الميل والوتساب واليوم يعدى وبكرة يجيى فينك حبيبى طولت العياب ومش عارفة أنه كل يوم مع غيرهاعنده يمام أسراب تبكى وتنوح وتقول ياحظى الهباب ليه تشلغنى وتشغل قلبى وتسيبنى خراب أنت عارف إنى حبيتك من كتر دموعى وقعت الأهداب وغنيتلك ياليلة ماجانى الغالى ودق علىّ الباب روح منك لله أشوفك تهنش لحمك الكلاب ياخاين يامنافق ياملوع يافشّار يانصّاب تبكى المسكينة وتنام مريضة وتفقد الصواب وهو هايص وسط اليمام ولاهمه قلبها المتصاب وتعدى الأيام ويجى بأحلى كلام ويبعت جواب سمحينى غصب عنى عملت حادثة وتقطع منى الجراب ألعب غيرها وخليك بعيد ماخلاص أنكشف الحجاب روح منك لله أشوفك تهنش لحمك الكلاب

[/QUOTE]