دموع البنت
مبتعرفش تترتب
بتنزل منها عشوائي
ولو دققت هتلاقي
وجع مركون بقاله كتير
وجرح قديم
وحب بجد
دموع البنت لو نزلت
بتنزل واخده دايما حد
نزل من عينها و خسرها
يا اما عشان عرف غيرها
يا اما لإنه معرفهاش
ومعرفش انها حباه
لا منها لغيره دلوقتي
ولا تقدر تقول وياه
وضحك البنت مش معناه
بإن البنت ناسيه الحزن
وناسيه الخوف من الايام
وعارفه تعيش وعارفه تنام
لإن البنت يا ساده
هتفضل بردو كالعاده
سؤال وعلامة استفهام ؟؟ ..
بقلم محمد ابراهيم
|