[أمواج الرحيل]

زى البحر الكبير الهم جوايا .. موجه ألم ملهاش غير بر أضلاعى .. وفى مركب الدنيا أتقلبت الحكايه ... ضدى وضربتنى بمجداف أوجاعى ...

خلاص ياقلبى ما تعافرش !!! دا العوم بلا داعى .. سيبك من بر الامان انسى .. دا الهم لينا ساعى ... خليك احلم فى جمب ملهوش مكان ... وأوهم حالك بالحياه وحالى

مش هتفرق
أنا اتهديت وقدامى
حبيت كتير أحلامى ويخساره محبتنيش
وقولت طريقى قدامى انسد ومسألنيش
كان فاضل ع النهايه خطوه بس القدر منصفنيش

أنا عامله زى فيلم قديم من غير صوت .. مجرد صوره ألوانها سوده .. شاشه عرض للأحزان فى سينما قديمه مكبوته ... قلبى متقسم شوارع
وفى كل شارع من شوارع الجراح
بيوت عمدانها مكسوره واساسها راح
وناسها مشيو وفاتوها ولما فاتوها
مسبوش فيها غير ألم وبراح

وشتاها شتا اشبه لعالم تانى
شتاها دموع من جوا غيم
سايب سما وفى ركنه وحدانى
غيم ألم من عدم ميكفهوش
بر المشاعر الصافيه ولا كلام حانى

انا وبأختصار بسيط مجرد شريط واتحرق فى كاميرا الماضى !!!!!