[العاشق الذى لم يتب]

http://forums.banatmasr.net/msryat497973/#post4685024

السلام عليكم
واهلاوسهلابيكم
يارب تكونوا بالف خير
وكل سنة والجميع طيب وبعافية
وعلشان الجوبارد أوى والواحد مطضرياكل ب
بصل ومحشيات
وحاجات تدفى
والخلاصة كل دول بيطلعو على النفوخ وبيخلو المخيخ
فى دربكة وتحس انك عاوز تقول حاجة
ومش مركز المهم مش هطول عليكم
ربناسبحانه وتعالى بيقول فى محكم التزيل
(والشعراء يتبعهم الغاوون
ألم ترى أنهم فى كل وادٍ يهيمون
وأنهم يفلون ملايفعلون
إلا الذين .....)
واكيد الشعراء ليهم مصلحتهم اللى عاوزيبقى مشهور
واللى عاوز يمدح حاكم واللى عاوزيسبه
واللى عاوز يتغزل فى حبيبته صادقا كان أم كاذبا
المهم هى مصلحة قدتكون سليمة وربمالغرض دنيئ
ماكانش ده قصدى من اللى عاوز أفضفض بيه ولاهو خزعبلاية ولاحكاية مش عارف أهو تأثيربرد وشوية بصل وخلاص
نروح لحكاية العشاق ربمامنهم من يشبه الشعراء
وبماأنى عنونت لموضوعى كل العشاق كاذبون إلا أنا
روحت افتش عن حكايات العشاق اللى قبلى
وحبيت اشوف قصصهم وغرامياتهم ورومنسايتهم
وازاى شافواالعذاب ألوان فى عشقهم
على سبيل المثال لاالحصر عمناعنترة ابن شداد
صعب علياأوى وحصلى الشرف روحت زورت بيته هو وقبيلته فى المملكة العربية السعودية فى منطقة تبع بريدة
المهم ازاى اتذل وشاف الاسر وخاض المعارك واتهم فى نسله حتى من ابوه وياماسهرالليالى يبكى ويخاطب القمروالنجوم والبحروالانهار وكله علشان يحظى بحبيبته ويكتب فيهااشعاره وكان مصيره زى رميووجلييت وجميل بثينة ورفعت امنيه وهلم جرى
يعنى ياجماعة الخيرلازم الواحديتعذب ويتكوى بنارالاشواق واللهفة والحنين والأنين
ولازم يسهرالليالى ويبكى لحدمارموشه تتساقط على الأرض اذاكان ده حالى وحال الرجالة
طيب والله صعبان علياأوى هناكام وحدة وهى بتموت نفسها على الحبيب ابن اللذين ده اللى سابهاومشى وقاعدمبسوط جنب امه وبياكل وبيشرب وينام وهى ياعينى عليهاشاغالة سهروبكى وحلفت مليون يامين مايقربنى راجل غيرك ولايلمسنى حرمت كل الرجال علشان اللى خلفوك
ماعلينا حاجة صراحة تقطع القلب وتشتت العقل منك لله ياحب وحسبناالله ونعم الوكيل فيك ياعشق
وعلى الجانب الآخر عشاق كدابين ونصابين يدعون التفانى والاخلاص لمن صادفهاحظها العاثر وتقع فى طريقه يشحتت قلبها ويضيع من عمرهاايام وشهوروسنين وفى الآخريقولهاسمحينى كان غصب عنى ابعدعنك اصلا واناماشى وقعت على منخيرى اتكسرت وروحت المستشفى والتانى يقول معلش أصلا أمى قالت ماتنفعيش معانا عندنابقروجموس وانامرضاش ابهدلك فى الجلة والتالت لك وحدك وانتى وبس اللى حبيبتى وهو أصلابيقولهالخمسين وحدة وكل وحدة تساله الكلام ده لمين ياحبيب قلبى يقولهالك وحدك يانورعيونى
المهم كلام عشاقا وتسالى وتبريرات وحكايات ورويايات وأفتكرت عمناجحاالله يمسيه بالخيرفضل متجوزمراته سنين طويلة وبعدين اتجوزوحدة تانية وجاءفى اليوم وقال لهما
اليوم الجوبديع أيه رايكم تيجوافسحكم على النهرواعزمكم على طعام شهى وراحو معاه
وجلسوعلى شط النيل والهوى العليل وقال عن اذنكم هروح اشترى ليكم الطعام الشهى ولمامشى قالتالبعضهم ايه رايك تيجى نعكنن على اللى خلفوه اتفقو على كده ولمارجع قالتايازوجناالحبيب من منّا تحبهاأكثرمن الأخرى قال كليكمايازوجاتى الأحبة قالن لابد أن تختارولابد أن تلقى بمن لم تحبهاكثيرا النهر احتارالراجل وقال لمراته الأولى
أظنك يازوجتى تعلمت العوم من زمان
فهل عرفتم جحايحب من فى زوجتيه
وتحضرنى قصة
جاءالعصفوريتغزل فى عصفورته ويريد القرب منها وهى بتتقل عليه يوقلهاانابحبك ترد وتقول مايهمنيش طيب انابعشقك برضو تقول وانامالى طيب وافقى بزواجى واناهجيبلك غرفة نوم من إيطاليا وهجبلك لأنتريه من أسبانيا وغرفة مائدة من تركيا وهفرشلك الشقة بسجاد من ايران برضو وهى تتقل عليه سبحانك يتمنعن وهن الراغابات وعجبا
احتارمعاهاوراح قايل لها اناعندى قوة تهدم قبة قصرسليمان على رأسه وسيدناسليمان سمعه وهو بيقول كده
قاله بئا أنت يامفعوص تهدم قبة قصرى على رأسى
قال العصفورلسيدناسليمان
يانبى الله ماتخدتش فى بالك ده كلام عشاق
عرفتو يااحبابى كلام العشاق بيروح فين وبيودى فين
وأختم ق5ولى وأقول أشهدك ياربى أننى ماقولت كلمة واحدة كذبا على معشوقتى فإن كذبوا العشاق جميعهم فأنالوحدى صادق فى عشقى لها
أيبكم بالعافية
أخوكم
رفعت