ابتدي كلامي بالصلا ة ع الهادي
سامعاك وسامعة صوتك وانت بتنادي
بتقول ياصبية يا حلوة ياعفية
اسقيني من إيدك شربة المية
حاسقيك وأخلي قلبي لقلبك ضليلة
ومن جدايل شعري حاغزلك خميلة
تضلل وتعشش على بيتنا الصغير
اللي فيه طفل شبهك عليا بيدور
يشابي عليك وانت العشا راجع
تضمنا بعينيك والقلب سامع
غنيوة حلوة بتقول ياغالي
نورت بيتك يا قمر ياعالي
جراح المشاعر
لو قلت لك كلماتك رائعة ابقي بظلمها لانها تعدت حدود الروعة
اجبرتنى انى اكتب عامية وانا عمرى مكتبتها
عشان كده اعذرنى لو كلماتى مكانتش على نفس مستواك العالي
عملك نقلنا نقلة جميلة لاماكن غابت عن العين لكنها حاضرة فى القلب
كلمات ليها نكهة حلوة وريحة احلى وعبق الكل بيشتاق له
وصفت فأبدعت فى الوصف .. المكان والمشاعر والامانى
كل جزء اخد حقه تماما معاك
عشان كده الكلمات تستحق تقييم خمس نجوم بلا جدال
تسلم الايادي ويسلم القلم ومداده
|